തിരുവനന്തപുരം: നിയമസഭാ തിരഞ്ഞെടുപ്പിൽ മത്സരിക്കുന്ന 11 സ്ഥാനാർത്ഥികളുടെ പട്ടിക കൂടി ബിജെപി കേന്ദ്ര നേതൃത്വം അംഗീകരിച്ചു. ഇതോടെ സംസ്ഥാനത്തെ 140 മണ്ഡലങ്ങളിൽ 97 ഇടങ്ങളിൽ എൻഡിഎ സ്ഥാനാർത്ഥി പ്രഖ്യാപനം പൂർത്തിയായി. സിനിമ-സീരിയൽ താരം വിവേക് ഗോപനെ അരുവിക്കരയിൽ സ്ഥാനാർത്ഥിയാക്കിയതാണ് ഈ പട്ടികയിലെ ശ്രദ്ധേയമായ നീക്കം.(BJP third phase candidate list, Actor Vivek Gopan to contest)
അരുവിക്കര: വിവേക് ഗോപൻ, തിരുവനന്തപുരം സെൻട്രൽ: കരമന ജയൻ, ചിറയിൻകീഴ്: ബി.എസ്. അനൂപ്, ചടയമംഗലം: ആർ.എസ്. അരുൺ രാജ്, കോവളം: ടി.എൻ. സുരേഷ്, നെയ്യാറ്റിൻകര: രാജശേഖരൻ നായർ, പുതുപ്പള്ളി: രവീന്ദ്രനാഥ് വാകത്താനം, അടൂർ: പന്തളം പ്രതാപൻ, മാവേലിക്കര: അജിമോൻ, ചവറ: കെ.ആർ. രാജേഷ്, പീരുമേട്: വി. രതീഷ് എന്നിങ്ങനെയാണ് പട്ടിക.
ഈ പട്ടികയിൽ തിരുവനന്തപുരം ജില്ലയിലെ അഞ്ച് മണ്ഡലങ്ങളിലെ സ്ഥാനാർത്ഥികളെ പ്രഖ്യാപിച്ചു കഴിഞ്ഞു. കോൺഗ്രസ് നേതൃത്വവുമായി തെറ്റിപ്പിരിഞ്ഞെത്തിയ ബി.എസ്. അനൂപിനും അരുൺ രാജിനും ഉടൻ തന്നെ സീറ്റ് നൽകിയതിലൂടെ മറ്റ് പാർട്ടികളിലെ അതൃപ്തരെ ഒപ്പം നിർത്താനുള്ള തന്ത്രമാണ് ബിജെപി പയറ്റുന്നത്. അരുവിക്കരയിൽ വിവേക് ഗോപന്റെ താരപരിവേഷം വോട്ടായി മാറുമെന്ന പ്രതീക്ഷയിലാണ് എൻഡിഎ ക്യാമ്പ്.
