ടോക്കിയോ: ജപ്പാനിലെ ഇച്ചിക്കാവ മൃഗശാലയിലെ ‘പഞ്ച്’ എന്ന കുരങ്ങ് കുഞ്ഞ് വീണ്ടും ഇന്റർനെറ്റിൽ തരംഗമാകുന്നു. ജനിച്ച ഉടനെ അമ്മ ഉപേക്ഷിച്ചതിനെത്തുടർന്ന് ഐക്കിയയുടെ ഒരു ഒറാങ്ങുട്ടാൻ പാവയെ കെട്ടിപ്പിടിച്ചു കിടക്കുന്ന പഞ്ചും അവന്റെ പാവയും മുൻപ് വലിയ രീതിയിൽ വൈറലായിരുന്നു. ഇപ്പോഴിതാ പഞ്ചുവിന് ഒരു ‘കാമുകി’യെ കിട്ടിയിരിക്കുന്നു എന്ന വാർത്തയാണ് മൃഗസ്നേഹികൾ ഏറ്റെടുത്തിരിക്കുന്നത്. (Viral Baby Monkey Punch)
‘മോമോ-ചാൻ’ (Momo-chan) എന്ന് പേരുള്ള പെൺകുരങ്ങുമായാണ് പഞ്ച് ഇപ്പോൾ ചങ്ങാത്തത്തിലായിരിക്കുന്നത്. ഇരുവരും കെട്ടിപ്പിടിച്ചു കിടക്കുന്നതും സ്നേഹം പ്രകടിപ്പിക്കുന്നതുമായ വീഡിയോകൾ സോഷ്യൽ മീഡിയയിൽ ലക്ഷക്കണക്കിന് ആളുകളാണ് കണ്ടത്. ‘ബിയോണ്ട് ദ വൈൽഡ്ലൈഫ്’ എന്ന ഇൻസ്റ്റാഗ്രാം പേജിലൂടെയാണ് ഈ ദൃശ്യങ്ങൾ പുറത്തുവന്നത്. മോമോ-ചാൻ പഞ്ചുവിനേക്കാൾ അല്പം പ്രായം കൂടിയതാണെങ്കിലും ഇരുവരും ഇപ്പോൾ വേർപിരിക്കാനാവാത്ത കൂട്ടുകാരാണ്.
മറ്റുള്ള കുരങ്ങുകളിൽ നിന്നുള്ള അവഗണനയും ഒറ്റപ്പെടലും നേരിട്ട പഞ്ചുവിന് മോമോ-ചാന്റെ സാമീപ്യം വലിയ ആശ്വാസമാണ് നൽകുന്നത്. മുൻപ് പഞ്ചുവിന്റെ ഏക ആശ്വാസമായിരുന്ന ‘ഓറ-മാമ’ (Ora-mama) എന്ന പാവ ഇപ്പോഴും കൂടെയുണ്ടെങ്കിലും പഞ്ചുവിന്റെ കൂടുതൽ ശ്രദ്ധയും ഇപ്പോൾ മോമോ-ചാനിലാണ്. “പഞ്ചുവിന് പോലും കാമുകിയെ കിട്ടി, നിങ്ങൾ ഇപ്പോഴും സിംഗിൾ ആണല്ലോ” എന്നൊക്കെയുള്ള രസകരമായ കമന്റുകളാണ് വീഡിയോയ്ക്ക് താഴെ വരുന്നത്.
View this post on Instagram
