കൊല്ലം: നിയമസഭാ തിരഞ്ഞെടുപ്പിനുള്ള സ്ഥാനാർത്ഥി നിർണ്ണയം അവസാനഘട്ടത്തിലെത്തിയിട്ടും കൊല്ലം ജില്ലയിലെ പുനലൂർ, ചടയമംഗലം സീറ്റുകളെച്ചൊല്ലിയുള്ള തർക്കം യുഡിഎഫിന് തലവേദനയാകുന്നു. പുനലൂർ സീറ്റ് മുസ്ലീം ലീഗിൽ നിന്ന് തിരിച്ചുപിടിക്കണമെന്ന ആവശ്യത്തിൽ കോൺഗ്രസ് പ്രാദേശിക നേതൃത്വം ഉറച്ചുനിൽക്കുകയാണ്.(Seat dispute intensifies in UDF in Kollam)
പുനലൂർ സീറ്റ് വീണ്ടും മുസ്ലീം ലീഗിന് നൽകിയാൽ മണ്ഡലത്തിൽ സ്വന്തം സ്ഥാനാർത്ഥിയെ നിർത്തുമെന്നാണ് ബ്ലോക്ക് കോൺഗ്രസ് കമ്മിറ്റികളുടെ മുന്നറിയിപ്പ്. കഴിഞ്ഞ തവണകളിൽ ലീഗ് പരാജയപ്പെട്ട സാഹചര്യത്തിൽ ഇത്തവണ കോൺഗ്രസ് തന്നെ മത്സരിക്കണമെന്നാണ് പ്രാദേശിക പ്രവർത്തകരുടെ ആവശ്യം.
തുടർച്ചയായി പരാജയപ്പെട്ട പുനലൂരിന് പകരം വിജയസാധ്യതയുള്ള ചടയമംഗലം വേണമെന്ന ആവശ്യമാണ് മുസ്ലീം ലീഗ് മുന്നോട്ടുവെക്കുന്നത്. എന്നാൽ ചടയമംഗലം വിട്ടുകൊടുക്കാൻ കോൺഗ്രസ് തയ്യാറായിട്ടില്ല. ചടയമംഗലം സീറ്റിലും കോൺഗ്രസിനുള്ളിൽ തർക്കം രൂക്ഷമാണ്.
