കാസർഗോഡ്: മുസ്ലിം ലീഗ് സ്ഥാനാർത്ഥി പട്ടിക പ്രഖ്യാപിക്കാനിരിക്കെ, കാസർഗോഡ് കെ.എം. ഷാജിക്കെതിരെ വ്യാപകമായ പോസ്റ്റർ പ്രതിഷേധം. ലീഗുകാർ എന്ന പേരിൽ പ്രത്യക്ഷപ്പെട്ട പോസ്റ്ററുകളിൽ ഷാജിയുടെ സ്ഥാനാർത്ഥിത്വത്തിനെതിരെ കടുത്ത പരാമർശങ്ങളാണ് ഉള്ളത്.(Assembly elections, Poster protest against KM Shaji in Kasaragod )
കാസർകോട് മണ്ഡലത്തിൽ കെ.എം. ഷാജി മത്സരിക്കുമെന്ന വാർത്തകൾ സജീവമായതിന് പിന്നാലെയാണ് പ്രതിഷേധം ഉടലെടുത്തത്. കാസർകോടിന്റെ നാശം ഇവിടെ തുടങ്ങുന്നു എന്നാണ് പോസ്റ്ററുകളിലെ പ്രധാന വാചകം. പുറത്തുനിന്നുള്ള ‘ഇറക്കുമതി’ സ്ഥാനാർത്ഥികൾ വേണ്ടെന്നും കാസർകോട്ടുകാർ തന്നെ മത്സരിച്ചാൽ മതിയെന്നുമാണ് ഒരു വിഭാഗം പ്രവർത്തകരുടെ ആവശ്യം.
