ആലപ്പുഴ: അമ്പലപ്പുഴയിൽ സ്വതന്ത്ര സ്ഥാനാർത്ഥിയായി മത്സരിക്കാനുള്ള ജി. സുധാകരന്റെ നീക്കത്തിനെതിരെ ആർ. നാസർ. അമ്പലപ്പുഴയിൽ എൽ.ഡി.എഫ് സ്ഥാനാർത്ഥിയിൽ മാറ്റമുണ്ടാകില്ലെന്നും അദ്ദേഹം സൂചന നൽകി.(No change in candidate in Ambalapuzha, R Nazar against G Sudhakaran)
മറ്റൊരു നേതാവിനും നൽകാത്ത പരിഗണനയാണ് പാർട്ടി സുധാകരന് നൽകിയതെന്ന് ആർ. നാസർ വാർത്താസമ്മേളനത്തിൽ പറഞ്ഞു. കമ്മ്യൂണിസ്റ്റ് പ്രത്യയശാസ്ത്രം മറ്റുള്ളവരെ പഠിപ്പിക്കേണ്ട ജി. സുധാകരന് ഇത്തരമൊരു അപചയം സംഭവിക്കുമെന്ന് കരുതിയിരുന്നില്ല. ഒരു കമ്മ്യൂണിസ്റ്റ് എന്ന നിലയിൽ അദ്ദേഹം ഈ തീരുമാനത്തിൽ നിന്ന് പിൻവാങ്ങുമെന്നാണ് പ്രതീക്ഷിക്കുന്നത് എന്നും അദ്ദേഹം കൂട്ടിച്ചേർത്തു.
പ്രവർത്തിക്കാൻ ജില്ലാ കമ്മിറ്റി ഓഫീസിൽ പ്രത്യേക മുറി ഉൾപ്പെടെ നൽകിയിരുന്നു. പുന്നപ്രയിൽ സുധാകരനെതിരെ പ്രത്യക്ഷപ്പെട്ട പോസ്റ്ററുകളെക്കുറിച്ച് പരിശോധിക്കുമെന്ന് സെക്രട്ടറി അറിയിച്ചു.
