വാഷിംഗ്ടൺ: ലൈംഗിക കുറ്റവാളി ജെഫ്രി എപ്സ്റ്റൈന്റെ കുറ്റകൃത്യങ്ങളെക്കുറിച്ച് ഡൊണാൾഡ് ട്രംപിന് നേരത്തെ അറിവുണ്ടായിരുന്നുവെന്ന സൂചനകൾ നൽകുന്ന എഫ്.ബി.ഐ രേഖകൾ പുറത്ത് (Trump-Epstein connection). 2006-ൽ എപ്സ്റ്റൈനെതിരെ അന്വേഷണം ആരംഭിച്ച സമയത്ത് ട്രംപ് തന്നെ ഫോണിൽ വിളിച്ച് അഭിനന്ദിച്ചതായും എപ്സ്റ്റൈന്റെ സ്വഭാവത്തെക്കുറിച്ച് എല്ലാവർക്കും അറിയാമായിരുന്നു എന്ന് പറഞ്ഞതായും പാം ബീച്ച് മുൻ പോലീസ് മേധാവി മൈക്കൽ റീറ്റർ വെളിപ്പെടുത്തി. എപ്സ്റ്റൈനെ തടയുന്നതിൽ സന്തോഷമുണ്ടെന്ന് ട്രംപ് അന്ന് പറഞ്ഞതായാണ് എഫ്.ബി.ഐയുടെ അഭിമുഖ രേഖകളിൽ വ്യക്തമാക്കുന്നത്.
എപ്സ്റ്റൈന്റെ നിയമവിരുദ്ധ പ്രവർത്തനങ്ങളെക്കുറിച്ച് തനിക്ക് യാതൊരു അറിവുമില്ലായിരുന്നുവെന്ന് ട്രംപ് വർഷങ്ങളായി ആവർത്തിച്ചു പറയുന്നതിനിടയിലാണ് ഈ പുതിയ വെളിപ്പെടുത്തൽ വരുന്നത്. 2019-ൽ സെക്സ് ട്രാഫിക്കിംഗ് കേസിൽ എപ്സ്റ്റൈൻ അറസ്റ്റിലായപ്പോഴും തനിക്ക് ഇതേക്കുറിച്ച് മുൻധാരണയില്ലെന്നായിരുന്നു ട്രംപിന്റെ നിലപാട്. എന്നാൽ പുറത്തുവന്ന ഔദ്യോഗിക രേഖകൾ ട്രംപിന്റെ പഴയ വാദങ്ങളെ ചോദ്യം ചെയ്യുന്നതും എപ്സ്റ്റൈനുമായി അദ്ദേഹത്തിനുണ്ടായിരുന്ന ബന്ധത്തെക്കുറിച്ച് പുതിയ ചർച്ചകൾക്ക് വഴിതുറക്കുന്നതുമാണ്..
Summary: A released FBI document reveals that a former police chief claims Donald Trump told him in 2006 that “everyone” knew about Jeffrey Epstein’s behavior.
