പാരിസ്: ഫ്രാൻസിന്റെ തലസ്ഥാനമായ പാരിസിലെ അതീവ ചെറിയൊരു അപ്പാർട്ട്മെന്റിന്റെ ദൃശ്യങ്ങളും അവിടുത്തെ താമസക്കാരന്റെ ജീവിതവും പങ്കുവെച്ചുകൊണ്ടുള്ള ഒരു വീഡിയോ സോഷ്യൽ മീഡിയയിൽ വൻതോതിൽ വൈറലാകുന്നു (Smallest Apartment In Paris Viral Video). സെബാസ്റ്റ്യൻ ഹെഡ്ബെർഗ് എന്ന ഇൻസ്റ്റാഗ്രാം ഇൻഫ്ലുവൻസർ പങ്കുവെച്ച വീഡിയോയിലാണ് പാരിസിലെ ഏറ്റവും ചെറിയ ഫ്ലാറ്റുകളിലൊന്നിന്റെ വിശേഷങ്ങളുള്ളത്. പ്രതിമാസം 600 യൂറോ (ഏകദേശം 697 യു.എസ് ഡോളർ) വാടക നൽകിയാണ് ഈ യുവാവ് ഇവിടെ താമസിക്കുന്നത്. ഫ്രഞ്ച് ക്ലാസിഫൈഡ് വെബ്സൈറ്റായ ‘Leboncoin’ വഴിയാണ് തനിക്ക് ഈ ഇടം ലഭിച്ചതെന്ന് യുവാവ് വ്യക്തമാക്കുന്നു.
പരമ്പരാഗത പാരിസിയൻ ശൈലിയിലുള്ള കെട്ടിടത്തിന്റെ ഏഴാം നിലയിലാണ് ഈ കൊച്ചു അപ്പാർട്ട്മെന്റ് സ്ഥിതി ചെയ്യുന്നത്. ലിഫ്റ്റ് സൗകര്യമില്ലാത്ത ഈ കെട്ടിടത്തിന്റെ മുകളിലെത്താൻ 134 പടികൾ കാൽനടയായി കയറണം. ഫ്ലാറ്റിനുള്ളിലേക്ക് പ്രവേശിക്കുമ്പോൾ തന്നെ വസ്ത്രങ്ങൾ സൂക്ഷിച്ചിരിക്കുന്ന ചെറിയൊരു ഇടവും അതിന് തൊട്ടടുത്തായി ഒരുക്കിയ ഷവറും കാണാം. കിടക്കാനും ഇരിക്കാനും വളരെ പരിമിതമായ സൗകര്യങ്ങൾ മാത്രമുള്ള ഈ ഫ്ലാറ്റിന്റെ പ്രധാന ആകർഷണം അവിടുത്തെ ബാൽക്കണിയാണ്. ഫ്ലാറ്റിന്റെ ഉൾഭാഗം വളരെ ചെറുതാണെങ്കിലും ബാൽക്കണിയിൽ നിന്നുള്ള പാരിസ് നഗരത്തിന്റെ മനോഹരമായ കാഴ്ച അതിശയപ്പിക്കുന്നതാണെന്ന് സെബാസ്റ്റ്യൻ പറയുന്നു. ഈ ബാൽക്കണിയിൽ നിൽക്കുമ്പോൾ ‘പാരിസ് നഗരം മുഴുവൻ നമ്മുടെ കൈകളിൽ ഒതുങ്ങിയതുപോലെ’ തോന്നുമെന്നും ഈ കാഴ്ച തനിക്ക് ഒരിക്കലും മടുക്കില്ലെന്നും യുവാവ് വീഡിയോയിൽ പങ്കുവെക്കുന്നു.
View this post on Instagram
Summary: A video showcasing what is described as the “smallest apartment in Paris” has gone viral on Instagram after being shared by content creator Sebastian Hedberg. The tenant pays €600 ($697) per month for the micro-apartment, which is located on the seventh floor of a traditional Parisian building and requires climbing 134 steps due to the lack of an elevator. Inside, the space is highly compact, with the shower positioned directly opposite the clothing storage. However, the apartment’s standout feature is its impressive balcony, which offers a breathtaking view of the Paris skyline.
