വുഹാൻ: കണ്ണ് തുടിക്കുന്നത് ദുർലക്ഷണമാണെന്ന അന്ധവിശ്വാസത്തെത്തുടർന്ന് സ്വന്തം കണ്ണിന് ആഘാതം ഏൽപ്പിച്ച യുവാവിന് സംഭവിച്ചത് ഗുരുതരമായ നേത്രരോഗം. ചൈനയിലെ ഹുബെ പ്രവിശ്യയിൽ താമസിക്കുന്ന ‘ലെ’ എന്ന യുവാവിനാണ് തുടർച്ചയായി കണ്ണിന് മുകളിൽ അടിക്കുക വഴി റെറ്റിനൽ ഡിറ്റാച്ച്മെന്റ് ഉണ്ടായത്.(Retinal detachment, Superstitious Man Suffers Retinal Detachment After Slapping Twitching Eyelid)
കുറച്ചുദിവസങ്ങളായി ലെയുടെ വലതുകണ്ണ് തുടിച്ചുകൊണ്ടിരുന്നു. ഇടതുകണ്ണ് തുടിക്കുന്നത് ഭാഗ്യമാണെന്നും വലതുകണ്ണ് തുടിക്കുന്നത് ദുരന്തമാണെന്നുമുള്ള അന്ധവിശ്വാസം വിശ്വസിക്കുന്നയാളാണ് ഇദ്ദേഹം. ഇതുകണ്ട് പരിഭ്രാന്തനായ ലെ, ഡോക്ടറെ കാണുന്നതിന് പകരം ഇന്റർനെറ്റിൽ പരിഹാരം തേടുകയായിരുന്നു. കണ്ണിന് മുകളിൽ അടിക്കുന്നത് ദുർലക്ഷണം ഒഴിവാക്കാൻ സഹായിക്കുമെന്ന തെറ്റായ പ്രചാരണം വിശ്വസിച്ച് ഇയാൾ മൂന്ന് ദിവസത്തോളം തന്റെ വലതുകണ്ണിന് ചുറ്റും ആഞ്ഞടിച്ചു.
തുടികൊള്ളൽ നിന്നുവെങ്കിലും ഉടൻ തന്നെ ലെയുടെ കാഴ്ചയ്ക്ക് മങ്ങലേറ്റു. ചുറ്റുമുള്ള കാഴ്ചകൾ കാണാൻ കഴിയാത്ത അവസ്ഥയിലേക്ക് കാര്യങ്ങൾ എത്തി. തുടർന്ന് ആശുപത്രിയിൽ നടത്തിയ പരിശോധനയിലാണ് കണ്ണിന്റെ റെറ്റിനയ്ക്ക് സ്ഥാനഭ്രംശം സംഭവിച്ചതായി ഡോക്ടർമാർ കണ്ടെത്തിയത്. അടിയന്തര ശസ്ത്രക്രിയയ്ക്ക് വിധേയനായതിനെത്തുടർന്ന് യുവാവിന്റെ കാഴ്ച തിരികെ ലഭിച്ചു.
Story Summary
A superstitious man in China suffered a retinal detachment after repeatedly slapping his twitching right eyelid, believing it was a sign of impending disaster. Despite his attempt to “slap away” the bad luck, he developed a serious vision impairment that required surgical intervention to restore his sight.
