ന്യൂഡൽഹി: അമേരിക്കയിലെ ഫ്ലോറിഡ സംസ്ഥാനത്തെ തങ്ങളുടെ ജീവിതാനുഭവങ്ങളും അവിടുത്തെ മികച്ച ജീവിതസാഹചര്യങ്ങളും പങ്കുവെച്ചുകൊണ്ട് ഒരു ഇന്ത്യൻ വനിത ഇൻസ്റ്റാഗ്രാമിൽ പങ്കുവെച്ച വീഡിയോ സോഷ്യൽ മീഡിയയിൽ ശ്രദ്ധേയമാകുന്നു (Indian Woman Shares Florida Life Experience). അഞ്ജു രാജ്പുത് എന്ന വനിതയാണ് ഫ്ലോറിഡയിലെ സുഖകരമായ ജീവിതത്തെക്കുറിച്ചും തനിക്ക് ഈ നാട് എത്രത്തോളം പ്രിയപ്പെട്ടതാണെന്നും വിസ്തരിക്കുന്നത്. ഫ്ലോറിഡയിൽ എത്തിക്കഴിഞ്ഞാൽ പിന്നെ മറ്റൊരു സംസ്ഥാനത്തേക്ക് മാറാൻ ആർക്കും തോന്നില്ലെന്നാണ് ഇവർ പറയുന്നത്.
താൻ താമസിക്കുന്ന റെസിഡൻഷ്യൽ കമ്മ്യൂണിറ്റിയിലെ അത്യാധുനിക സൗകര്യങ്ങൾ വീഡിയോയിലൂടെ അഞ്ജു പ്രേക്ഷകർക്ക് കാണിച്ചുതരുന്നുണ്ട്. മനോഹരമായ ബീച്ചുകൾ, അമ്യൂസ്മെന്റ് പാർക്കുകൾ, നീരുറവകൾ എന്നിവയാൽ സമ്പന്നമാണ് ഫ്ലോറിഡ. തങ്ങൾ താമസിക്കുന്ന കമ്മ്യൂണിറ്റിയിലെ ക്ലബ്ബ് ഹൗസിന് സമീപമുള്ള സ്വിമ്മിംഗ് പൂൾ, കുട്ടികൾക്കായുള്ള പ്രത്യേക പൂൾ, പാർക്ക്, നടപ്പാതകൾ, ടെന്നീസ്-ബാസ്കറ്റ്ബോൾ കോർട്ടുകൾ എന്നിവയും വീഡിയോയിലുണ്ട്. വൈകുന്നേരങ്ങളിൽ വിരസത തോന്നുമ്പോൾ സുഹൃത്തുക്കളോടും മകനോടും ഒപ്പം ഒത്തുകൂടാൻ ഇത്തരം ഇടങ്ങൾ ഏറെ സഹായിക്കുന്നുണ്ടെന്ന് അഞ്ജു പറയുന്നു. കഴിഞ്ഞ അഞ്ചാറ് വർഷമായി ഫ്ലോറിഡയിൽ ജീവിക്കുന്ന തനിക്ക് ഇപ്പോൾ ഇതൊരു സ്വന്തം വീട് പോലെയാണെന്നും ഈ സംസ്ഥാനം വിട്ട് മറ്റൊരിടത്തേക്ക് പോകുന്നതിനെക്കുറിച്ച് ചിന്തിക്കാൻ പോലും കഴിയില്ലെന്നും അവർ കൂട്ടിച്ചേർത്തു.
View this post on Instagram
Summary: Anju Rajput, an Indian woman living in the United States, shared a viral Instagram video explaining why Florida has felt like home after living there for nearly six years. Highlighting the state’s beaches, theme parks, and natural springs, she showcased the extensive amenities in her residential community, including swimming pools, walking trails, and sports courts. Rajput stated that the exceptional quality of life and community facilities make it impossible for her to imagine moving to any other American state.
