ന്യൂയോർക്ക്: ലോകത്തിലെ ഏറ്റവും തിരക്കേറിയതും പ്രശസ്തവുമായ ന്യൂയോർക്കിലെ ഫിഫ്ത്ത് അവന്യൂവിൽ ബോളിവുഡ് പാട്ടുകൾ പാടി ലൈവ് പെർഫോമൻസുമായി ഒരു ഇന്ത്യൻ വിവാഹ ഘോഷയാത്ര (Indian Wedding New York Fifth Avenue). ജനറ്റിക് കൗൺസിലറായ പങ്ക്തി ദോഷിയും മെഡിക്കൽ ജേണലിസ്റ്റും ഗായകനുമായ ഡോ. അവിഷ് ജെയിനും ചേർന്നാണ് തങ്ങളുടെ വിവാഹ പ്രവേശനം അവിസ്മരണീയമാക്കിയത്.
സാധാരണ ബാന്റ് മേളങ്ങൾക്കോ ഡിജെക്കോ പകരം വധുവും വരനും മൈക്രോഫോൺ കയ്യിലേന്തി നേരിട്ട് പാട്ടുപാടിയാണ് ഘോഷയാത്ര നയിച്ചത്. തുറന്ന വാഹനത്തിലിരുന്ന് ഇവർ പാടുമ്പോൾ ചുറ്റും പരമ്പരാഗത വസ്ത്രങ്ങൾ ധരിച്ച നൂറുകണക്കിന് ഇന്ത്യക്കാർ ബോളിവുഡ് പാട്ടുകൾക്ക് അനുസരിച്ച് ചുവടുവെച്ചു. ആഡംബര കടകൾക്കും ഫ്ലാറ്റുകൾക്കും പേരുക്കേട്ട മാൻഹാട്ടനിലെ ഈ പ്രശസ്തമായ പാതയെ ഒരു ബോളിവുഡ് സിനിമ സെറ്റ് പോലെയാക്കി മാറ്റാൻ ഈ ആഘോഷത്തിന് കഴിഞ്ഞു. ഇത്തരം വൻകിട ആഘോഷങ്ങൾക്കായി ന്യൂയോർക്ക് സിറ്റി ഭരണകൂടത്തിൽ നിന്നും എൻ.വൈ.പി.ഡി (NYPD) പോലീസിൽ നിന്നും പ്രത്യേക അനുമതികൾ മുൻകൂട്ടി വാങ്ങിയിരുന്നു.
സോഷ്യൽ മീഡിയയിൽ പ്രചരിക്കുന്ന വീഡിയോയ്ക്ക് അനുകൂലമായും പ്രതികൂലമായും നിരവധി കമന്റുകൾ വരുന്നുണ്ട്. ഇന്ത്യയുടെ ആഘോഷം മറ്റൊരു രാജ്യത്തെ പ്രധാന പാതയിൽ കണ്ടതിന്റെ സന്തോഷം ചിലർ പങ്കുവെക്കുമ്പോൾ, തിരക്കേറിയ പൊതുസ്ഥലം ഇത്തരത്തിൽ തടസ്സപ്പെടുത്തുന്നതിനെതിരെ ചിലർ വിമർശനം ഉയർത്തുന്നുമുണ്ട്. കഴിഞ്ഞ വർഷവും സമാനമായ രീതിയിൽ ലോവർ മാൻഹാട്ടനിൽ മറ്റൊരു ഇന്ത്യൻ ഘോഷയാത്ര വൈറലായിരുന്നു.
View this post on Instagram
Summary: A grand Indian wedding procession temporarily transformed New York City’s iconic Fifth Avenue into a high-energy Bollywood party. Pankti Doshi and Dr. Avish Jain led the parade by live-singing popular tracks from an open vehicle as guests danced in traditional attire. While the event required extensive permits and coordination with the NYPD, the viral video has sparked a global debate online regarding the scale and public disruption of such celebrations.
