ഗയാന തീരത്തുണ്ടായ വലിയ ബോട്ട് ദുരന്തത്തിൽ 27 പേരുടെ മൃതദേഹങ്ങൾ കണ്ടെടുത്തതായി അധികൃതർ അറിയിച്ചു (Guyana Ferry Disaster). രാജ്യത്തിന്റെ തലസ്ഥാനമായ ജോർജ്ജ്ടൗണിൽ നിന്ന് പോർട്ട് കൈതുമയിലേക്ക് 179 യാത്രികരുമായി പോയ എംവി ബാരിമ എന്ന ഫെറി ബോട്ടാണ് കഴിഞ്ഞ ശനിയാഴ്ച രാത്രി മറിഞ്ഞത്. പതിറ്റാണ്ടുകൾക്കിടയിലെ ഗയാനയിലെ ഏറ്റവും വലിയ സമുദ്ര ദുരന്തമാണിതെന്ന് പബ്ലിക് വർക്ക്സ് മന്ത്രി ജുവാൻ എഡ്ഗിൽ വ്യക്തമാക്കി.
അപകടത്തെ തുടർന്ന് 69 പേരെ രക്ഷപ്പെടുത്തിയിട്ടുണ്ട്. എന്നാൽ 83 പേരെ ഇതുവരെ കണ്ടെത്താനായിട്ടില്ല. ബോട്ടിൽ ഔദ്യോഗിക കണക്കിൽ ഉള്ളതിനേക്കാൾ കൂടുതൽ ആളുകൾ ഉണ്ടായിരുന്നുവെന്നാണ് പ്രാഥമിക വിവരം. ഫെറിയുടെ ക്യാപ്റ്റനും മറ്റ് ജീവനക്കാരും മയക്കുമരുന്ന് ഉപയോഗിച്ചതായി കണ്ടെത്തിയതിനെ തുടർന്ന് ഇവരെ പൊലീസ് കസ്റ്റഡിയിലെടുത്തു. കപ്പൽ ജീവനക്കാർ ഡ്യൂട്ടി സമയത്ത് മദ്യംയോ ലഹരിവസ്തുക്കളോ ഉപയോഗിക്കുന്നതിനോട് യാതൊരു വിട്ടുവീഴ്ചയുമില്ലെന്നും ക്യാപ്റ്റൻ ഉൾപ്പെടെയുള്ളവർ കുറ്റക്കാരാണെന്ന് കണ്ടെത്തിയത് ഗൗരവകരമാണെന്നും മന്ത്രി വ്യക്തമാക്കി. പണം വാങ്ങി യാത്രികരുടെ കണക്കുകൾ കൃത്യമായി രേഖപ്പെടുത്താതിരുന്ന ജീവനക്കാരുടെ നടപടിയും അന്വേഷണ പരിധിയിലുണ്ട്. ആശുപത്രിയിൽ കഴിയുന്ന ദുരന്തബാധിതരെയും കാണാതായവരുടെ കുടുംബാംഗങ്ങളെയും പ്രസിഡന്റ് ഇർഫാൻ അലി സന്ദർശിച്ചു.
Summary: Authorities in Guyana have recovered 27 bodies after the MV Barima ferry capsized off the coast, leaving dozens missing in what is considered the country’s worst marine disaster in decades. The ferry’s captain and crew members have been detained following positive drug tests and investigations into manifest discrepancies and potential negligence.
