ലണ്ടൻ: ലോകമെമ്പാടും ആരാധകരുള്ള ‘ഗെയിം ഓഫ് ത്രോൺസ്’ (Michael Patrick Game of Thrones Death) സീരീസിലെ നടനും മികച്ച എഴുത്തുകാരനുമായ മൈക്കൽ പാട്രിക് (Michael Patrick) അന്തരിച്ചു. മോട്ടോർ ന്യൂറോൺ ഡിസീസ് എന്ന ഗുരുതരമായ നാഡീരോഗത്തോട് പോരാടിക്കൊണ്ടിരുന്ന അദ്ദേഹം വെള്ളിയാഴ്ചയാണ് വിടവാങ്ങിയത്.
2023 ഫെബ്രുവരി ഒന്നിനാണ് മൈക്കൽ പാട്രിക്കിന് മോട്ടോർ ന്യൂറോൺ ഡിസീസ് സ്ഥിരീകരിച്ചത്. ശരീരത്തിലെ പേശികളെ നിയന്ത്രിക്കുന്ന നാഡീകോശങ്ങൾ ക്രമേണ നശിക്കുകയും ചലനശേഷി നഷ്ടപ്പെടുകയും ചെയ്യുന്ന അവസ്ഥയാണിത്. രോഗം മൂർച്ഛിച്ചതിനെ തുടർന്ന് പത്ത് ദിവസം മുൻപാണ് അദ്ദേഹത്തെ നോർത്തേൺ അയർലൻഡ് ഹോസ്പീസിൽ പ്രവേശിപ്പിച്ചത്. കുടുംബാംഗങ്ങളുടെയും സുഹൃത്തുക്കളുടെയും സാന്നിധ്യത്തിൽ വളരെ ശാന്തനായാണ് അദ്ദേഹം അവസാന ശ്വാസം വലിച്ചതെന്ന് ഭാര്യ നവോമി കുറിച്ചു.
ഗെയിം ഓഫ് ത്രോൺസ് സീരീസിന്റെ ആറാം സീസണിലെ ‘ദി ബ്രോക്കൺ മാൻ’ എന്ന എപ്പിസോഡിൽ ‘വൈൽഡിങ് റൈറ്റർ’ (Wildling Rioter) എന്ന കഥാപാത്രത്തെയാണ് മൈക്കൽ അവതരിപ്പിച്ചത്. അഭിനയത്തിന് പുറമെ മികച്ചൊരു എഴുത്തുകാരൻ കൂടിയായിരുന്നു അദ്ദേഹം. 2020-ൽ ബിബിസി പുറത്തിറക്കിയ ‘മൈ ലെഫ്റ്റ് നട്ട്’ (My Left Nut) എന്ന അവാർഡ് ജേതാവായ സീരീസിന്റെ രചയിതാവ് മൈക്കൽ പാട്രിക്കാണ്. സ്വന്തം കൗമാരകാലത്തെ അനുഭവങ്ങളെ മുൻനിർത്തിയാണ് അദ്ദേഹം ഈ സീരീസ് ഒരുക്കിയത്.
മൈക്കലിന്റെ അപ്രതീക്ഷിത വിയോഗത്തിൽ സിനിമാ-സീരിയൽ ലോകത്തെ നിരവധി പ്രമുഖർ അനുശോചനം രേഖപ്പെടുത്തി. അസാമാന്യ പ്രതിഭയുള്ള ഒരു കലാകാരനെയാണ് നഷ്ടമായതെന്ന് സഹപ്രവർത്തകർ കുറിച്ചു.
Story Summary:
Michael Patrick, the actor and writer known for his role in the world-renowned series ‘Game of Thrones’, has passed away at the age of 35. He had been battling Motor Neurone Disease (MND) since February 2023. His wife, Naomi Sheehan, shared the news on Instagram, stating that he passed away peacefully at Northern Ireland Hospice. Michael was famous for his role as a Wildling Rioter in Season 6 and for writing the award-winning BBC series ‘My Left Nut’.
