വാഷിംഗ്ടൺ: ചങ്ങലയിൽ ബന്ധിച്ച അന്യഗ്രഹജീവിയോടൊപ്പം നടന്നുപോകുന്നതും ബഹിരാകാശ നിലയത്തിലിരുന്ന് ഭൂമിയിലേക്ക് ലേസർ തൊടുക്കുന്നതുമായ സ്വന്തം എഐ ചിത്രങ്ങൾ പങ്കുവെച്ച് അമേരിക്കൻ പ്രസിഡന്റ് ഡൊണാൾഡ് ട്രംപ് സോഷ്യൽ മീഡിയയിൽ പുതിയ ചർച്ചകൾക്ക് തുടക്കമിട്ടിരിക്കുകയാണ് (Donald Trump AI Alien Post Truth Social). തന്റെ ഔദ്യോഗിക സോഷ്യൽ മീഡിയ പ്ലാറ്റ്ഫോമായ ‘ട്രൂത്ത് സോഷ്യൽ’ വഴിയാണ് ട്രംപ് ഈ വിചിത്രമായ ചിത്രങ്ങൾ പുറത്തുവിട്ടത്. ഒരു വലിയ സ്ഫോടനത്തിനൊപ്പം ‘ടാർഗെറ്റ് ഡിസ്ട്രോയ്ഡ്’ എന്ന് എഴുതിയ ചിത്രവും ഇതിൽ ഉൾപ്പെടുന്നു. യുഎസ് സർക്കാർ യുഎഫ്ഒ (UFO) അഥവാ പറക്കുംതളികകളുമായി ബന്ധപ്പെട്ട നിർണ്ണായക രേഖകൾ പുറത്തുവിട്ടതിന് തൊട്ടുപിന്നാലെയാണ് ട്രംപിന്റെ ഈ പോസ്റ്റുകൾ എന്നത് ശ്രദ്ധേയമാണ്.https://truthsocial.com/@realDonaldTrump
യുഎഫ്ഒ ദൃശ്യങ്ങളെക്കുറിച്ച് മുൻപ് പലപ്പോഴും ട്രംപ് സംശയം പ്രകടിപ്പിച്ചിട്ടുണ്ടെങ്കിലും, ആകാശത്തുണ്ടാകുന്ന ഇത്തരം പ്രതിഭാസങ്ങളിൽ കൂടുതൽ സുതാര്യത വേണമെന്ന നിലപാടാണ് അദ്ദേഹത്തിന്റെ ഭരണകൂടം സ്വീകരിക്കുന്നത്. ഈ പ്രതിഭാസങ്ങൾക്ക് പിന്നിൽ അന്യഗ്രഹജീവികളേക്കാൾ ഉപരി അമാനുഷികമായ കാരണങ്ങൾ ഉണ്ടായേക്കാമെന്ന് വൈസ് പ്രസിഡന്റ് ജെ.ഡി വാൻസും അടുത്തിടെ അഭിപ്രായപ്പെട്ടിരുന്നു. ട്രംപിന്റെ എഐ പോസ്റ്റുകളെ അനുകൂലിച്ചും പ്രതികൂലിച്ചും നിരവധി പേരാണ് രംഗത്തെത്തിയത്. ഒരു രാജ്യത്തിന്റെ പ്രസിഡന്റ് ഇത്തരം ചിത്രങ്ങൾ പ്രചരിപ്പിക്കുന്നത് ഉത്തരവാദിത്തമില്ലായ്മയാണെന്ന് വിമർശകർ കുറ്റപ്പെടുത്തുമ്പോൾ, ഇതൊരു രാഷ്ട്രീയ ട്രോൾ മാത്രമാണെന്നാണ് ട്രംപ് അനുകൂലികളുടെ വാദം. ഏതായാലും, രാഷ്ട്രീയ ആശയവിനിമയങ്ങളിൽ കൃത്രിമ ബുദ്ധി ദുരുപയോഗം ചെയ്യപ്പെടുന്നതിനെക്കുറിച്ചുള്ള ആശങ്കകൾ ഈ സംഭവം വീണ്ടും വർദ്ധിപ്പിച്ചിരിക്കുകയാണ്.
Summary: U.S. President Donald Trump has sparked fresh social media controversy after sharing a series of bizarre, AI-generated images on his Truth Social account. The surreal graphics depicted Trump walking alongside a muscular alien in chains, operating a futuristic space station, and overseeing a laser attack directed at Earth with captions like “TARGET DESTROYED.”
