കിൻഷാസ: കോംഗോയിൽ എബോള ചികിത്സാ കേന്ദ്രത്തിന് നേരെ ജനക്കൂട്ടത്തിന്റെ ആക്രോശവും തീവെപ്പും. എബോള രോഗം വലിയ രീതിയിൽ പടർന്നുപിടിക്കുന്നതിനിടയിലാണ് നാടിനെ നടുക്കിയ ഈ അക്രമസംഭവം അരങ്ങേറിയത്. എബോള ബാധിച്ച് മരിച്ച വ്യക്തിയുടെ മൃതദേഹം ബന്ധുക്കൾക്ക് വിട്ടുനൽകുന്നതുമായി ബന്ധപ്പെട്ടുണ്ടായ തർക്കമാണ് വലിയ സംഘർഷത്തിൽ കലാശിച്ചത്.(Congo Ebola center attack, Ebola Treatment Center Set On Fire In Congo Over Body Handover Dispute)
ഇറ്റൂരി പ്രവിശ്യയിലെ റാംപാര നഗരത്തിൽ വ്യാഴാഴ്ചയായിരുന്നു സംഭവം. എബോള ബാധിച്ച് മരിച്ചുവെന്ന് കരുതപ്പെടുന്ന ഒരു പ്രാദേശിക ഫുട്ബോൾ കളിക്കാരന്റെ മൃതദേഹം ബന്ധുക്കൾക്കും സുഹൃത്തുക്കൾക്കുമായി വിട്ടുനൽകാൻ വിസമ്മതിച്ചതാണ് ജനങ്ങളെ പ്രകോപിപ്പിച്ചത്. രോഗം പടരാൻ വലിയ സാധ്യതയുള്ളതിനാൽ കടുത്ത സുരക്ഷാ മാനദണ്ഡങ്ങൾ പാലിച്ച് മാത്രമേ സംസ്കാരം നടത്താവൂ എന്ന് അധികൃതർ വ്യക്തമാക്കിയിരുന്നു.
അക്രമികൾ കെട്ടിടത്തിനുള്ളിലേക്ക് അതിക്രമിച്ചു കയറി ഉപകരണങ്ങൾ തല്ലിത്തകർക്കുകയും എബോള രോഗികൾക്കായി ഒരുക്കിയിരുന്ന പ്രത്യേക ടെന്റുകൾക്ക് തീയിടുകയും ചെയ്തു. അക്രമം ഭയന്ന് സന്നദ്ധപ്രവർത്തകർ വാഹനങ്ങളിൽ അവിടെനിന്നും രക്ഷപ്പെട്ടു. കേന്ദ്രത്തിൽ ചികിത്സയിലുണ്ടായിരുന്ന ആറ് എബോള രോഗികളെ സുരക്ഷിതമായി മറ്റൊരു ആശുപത്രിയിലേക്ക് മാറ്റിയിട്ടുണ്ട്.
Story Summary
An angry crowd set fire to an Ebola treatment center in the Democratic Republic of Congo after authorities refused to hand over the body of a local football player who died of the virus. The violent protest in the Ituri province highlights the deep mistrust toward healthcare workers, forcing volunteers to flee and six patients to be evacuated.
