തന്റെ ഇരുപത്തിയാറാം ജന്മദിനം ആഘോഷിക്കുന്നതിനിടെ അമേരിക്കയിലെ കാലിഫോർണിയയിലുള്ള വെള്ളച്ചാട്ടത്തിൽ മുങ്ങിമരിച്ച് ആന്ധ്രപ്രദേശ് സ്വദേശിയായ യുവാവ് (Andhra Techie Drowned California). വിജയനഗരം സ്വദേശിയായ സിംഗിറെഡ്ഡി സായ് ശ്രീഹരികൃഷ്ണയാണ് മരിച്ചത്. സുഹൃത്തുക്കൾക്കൊപ്പം ജന്മദിനം ആഘോഷിക്കാൻ എത്തിയതായിരുന്നു അദ്ദേഹം.
അമേരിക്കയിൽ ഉപരിപഠനം പൂർത്തിയാക്കിയ ശ്രീഹരികൃഷ്ണ ഏതാനും മാസങ്ങൾക്ക് മുൻപാണ് സെന്റ് ലൂയിസിലെ ഒരു സോഫ്റ്റ്വെയർ കമ്പനിയിൽ ജോലിയിൽ പ്രവേശിച്ചത്. ശനിയാഴ്ച ജന്മദിനത്തോടനുബന്ധിച്ച് സുഹൃത്തുക്കളോടൊപ്പം കാലിഫോർണിയയിലെ വെള്ളച്ചാട്ടം സന്ദർശിക്കാൻ എത്തിയതായിരുന്നു. നീന്തൽ ഇഷ്ടപ്പെട്ടിരുന്ന അദ്ദേഹം വെള്ളത്തിൽ ഇറങ്ങിയെങ്കിലും മിനിറ്റുകൾക്കുള്ളിൽ ശക്തമായ അടിയൊഴുക്കിൽപ്പെട്ട് താഴേക്ക് പോവുകയായിരുന്നു. സുഹൃത്തുക്കൾ രക്ഷിക്കാൻ ശ്രമിച്ചെങ്കിലും ഒഴുക്ക് ശക്തമായതിനാൽ രക്ഷപ്പെടുത്താൻ സാധിച്ചില്ല. പിന്നീട് എമർജൻസി റെസ്പോണ്ടർമാർ എത്തിയാണ് മൃതദേഹം കണ്ടെടുത്തത്.
ശ്രീനിവാസ റാവു-രമാദേവി ദമ്പതികളുടെ മകനാണ് ശ്രീഹരികൃഷ്ണ. മൃതദേഹം നാട്ടിലെത്തിക്കാനുള്ള ശ്രമങ്ങൾ പുരോഗമിക്കുകയാണ്. ജലാശയങ്ങളിലെ അപകടസാധ്യതയുള്ള സാഹചര്യം തിരിച്ചറിയുന്നതിലുണ്ടായ പാകപ്പിഴയാണ് അപകടത്തിന് കാരണമായതെന്ന് അധികൃതർ അറിയിച്ചു.
Summary: A 26-year-old software engineer from Andhra Pradesh, Singireddy Sai Sriharikrishna, tragically drowned in a California waterfall while celebrating his birthday with friends. Sriharikrishna, who had recently started working in St. Louis after completing his Master’s in the US, was swept away by dangerous water conditions shortly after entering the water. Despite rescue efforts by friends and emergency responders, his body was only recovered after a search operation. His family in Vizianagaram is in deep shock, and efforts are underway to repatriate his body to India.
