തിരുവനന്തപുരം: ടി20 ലോകകപ്പ് സൂപ്പർ 8 പോരാട്ടത്തിൽ വെസ്റ്റ് ഇൻഡീസിനെ തകർത്ത് ഇന്ത്യയെ സെമി ഫൈനലിലെത്തിച്ച സഞ്ജു സാംസണ് നേരെ സോഷ്യൽ മീഡിയയിൽ വംശീയ അധിക്ഷേപം. സംഭവത്തിൽ കർശന നടപടി ആവശ്യപ്പെട്ട് കേരളത്തിലെ കോൺഗ്രസ് നേതൃത്വം അശ്വിനി വൈഷ്ണവിന് പരാതി നൽകി.(Congress files complaint against Union Minister for racial abuse against Sanju Samson)
ഈഡൻ ഗാർഡൻസിൽ നടന്ന മത്സരത്തിൽ 50 പന്തിൽ നിന്ന് പുറത്താകാതെ 97 റൺസ് നേടിയ സഞ്ജുവിന്റെ ചിത്രം പങ്കുവെച്ചുകൊണ്ടാണ് വംശീയ പരാമർശമുള്ള പോസ്റ്റ് പ്രത്യക്ഷപ്പെട്ടത്. “കറുത്ത ശക്തികൾക്കേ കറുത്ത ശക്തികളെ തോൽപ്പിക്കാൻ കഴിയൂ, നന്നായി കളിച്ചു സഞ്ജു സാംസൺ” എന്നായിരുന്നു പോസ്റ്റിലെ വാചകം. വിൻഡീസ് താരങ്ങളെയും സഞ്ജുവിനെയും ഒരേപോലെ അധിക്ഷേപിക്കുന്ന ഈ പോസ്റ്റിനെതിരെ ആരാധകരിൽ നിന്നും കടുത്ത പ്രതിഷേധമാണ് ഉയർന്നത്.
This kind of vile racism has absolutely no place in India.
We urge @AshwiniVaishnaw to take immediate action against the person behind the account who posted this disgusting comment targeting Sanju Samson, the pride of Kerala. pic.twitter.com/uVlVr1PNbN
— Congress Kerala (@INCKerala) March 2, 2026
സഞ്ജുവിന്റെ നിറത്തെ അധിക്ഷേപിക്കുന്ന തരത്തിലുള്ള പരാമർശം ശ്രദ്ധയിൽപ്പെട്ടതോടെ കേരളത്തിലെ കോൺഗ്രസ് നേതൃത്വം ഔദ്യോഗികമായി രംഗത്തെത്തി. ഇത്തരത്തിലുള്ള വംശീയ അധിക്ഷേപങ്ങൾക്ക് ഇന്ത്യയിൽ സ്ഥാനമില്ലെന്നും, അധിക്ഷേപം നടത്തിയ അക്കൗണ്ടിനെതിരെ അടിയന്തര നടപടി സ്വീകരിക്കണമെന്നും കേന്ദ്രമന്ത്രി അശ്വിനി വൈഷ്ണവിനെ ടാഗ് ചെയ്തുകൊണ്ട് കോൺഗ്രസ് എക്സിൽ കുറിച്ചു. സൈബർ ബുള്ളിയിംഗ് അനുവദിക്കില്ലെന്ന് പാർട്ടി നേതൃത്വം വ്യക്തമാക്കി.
