ബെംഗളൂരു: അഫ്ഗാനിസ്ഥാനെതിരായ ഏകദിന പരമ്പരയ്ക്ക് മുന്നോടിയായി ഫിറ്റ്നസ് സർട്ടിഫിക്കറ്റ് നേടുന്നതിനായി ഇന്ത്യൻ താരങ്ങളായ രോഹിത് ശർമ്മയോടും ഹാർദിക് പാണ്ഡ്യയോടും ബെംഗളൂരുവിലെ ബിസിസിഐ സെന്റർ ഓഫ് എക്സലൻസിൽ (CoE) റിപ്പോർട്ട് ചെയ്യാൻ നിർദ്ദേശം (Rohit Sharma Fitness Test). ബിസിസിഐയുടെ നിർദ്ദേശം അനുസരിച്ച് ഹാർദിക് പാണ്ഡ്യ ബെംഗളൂരുവിലെ കേന്ദ്രത്തിൽ റിപ്പോർട്ട് ചെയ്ത് ഒരു ആഴ്ച നീളുന്ന കായികക്ഷമതാ പരിശോധനകളിലേക്ക് കടന്നതായി ടൈംസ് ഓഫ് ഇന്ത്യ റിപ്പോർട്ട് ചെയ്തു. എന്നാൽ നിലവിലെ സീനിയർ താരം രോഹിത് ശർമ്മ എന്നാണ് കേന്ദ്രത്തിൽ എത്തുകയെന്നത് സംബന്ധിച്ച് ബിസിസിഐക്ക് ഇതുവരെ യാതൊരുവിധ ഔദ്യോഗിക വിവരവും ലഭിച്ചിട്ടില്ല. ജൂൺ 13-ന് ആരംഭിക്കുന്ന അഫ്ഗാനിസ്ഥാനെതിരായ മൂന്ന് മത്സരങ്ങളുടെ ഏകദിന പരമ്പരയ്ക്കുള്ള ഇന്ത്യൻ ടീമിൽ ഇരുവരെയും ഉൾപ്പെടുത്തിയിട്ടുണ്ടെങ്കിലും ബിസിസിഐ മെഡിക്കൽ ടീമിന്റെ ഫിറ്റ്നസ് ക്ലിയറൻസ് ലഭിച്ചാൽ മാത്രമേ ഇവർക്ക് മത്സരത്തിൽ പങ്കെടുക്കാൻ സാധിക്കുകയുള്ളൂ.
അഫ്ഗാനിസ്ഥാനെതിരായ ഏകദിന പരമ്പരയ്ക്കുള്ള ഇന്ത്യൻ ടീമിനെ ശുഭ്മാൻ ഗില്ലാണ് നയിക്കുന്നത്. വിരാട് കോഹ്ലി, വൈസ് ക്യാപ്റ്റൻ ശ്രേയസ് അയ്യർ, കെ.എൽ. രാഹുൽ, ഇഷാൻ കിഷൻ തുടങ്ങിയ പ്രമുഖ താരങ്ങൾ അടങ്ങുന്നതാണ് പ്രഖ്യാപിക്കപ്പെട്ട 15 അംഗ ഏകദിന സംഘം. ഇതിനിടയിൽ ജൂൺ 6-ന് ആരംഭിക്കുന്ന ഏകദിനത്തിന് മുന്നോടിയായുള്ള ഏക ടെസ്റ്റ് മത്സരത്തിനായുള്ള നെറ്റ്സ് പരിശീലനത്തിലേക്ക് ജമ്മു കശ്മീരിൽ നിന്നുള്ള പേസർ ഔഖിബ് നബി ദാർ ഉൾപ്പെടെ ഏഴ് ആഭ്യന്തര കളിക്കാരെ ടീം മാനേജ്മെന്റ് അടിയന്തിരമായി വിളിച്ചുകൂട്ടിയിട്ടുണ്ട്. രഞ്ജി ട്രോഫിയിൽ ജമ്മു കശ്മീരിനെ കിരീടത്തിലേക്ക് നയിക്കുകയും 60 വിക്കറ്റുകൾ നേടി ഏറ്റവും കൂടുതൽ വിക്കറ്റ് വേട്ടക്കാരനാകുകയും ചെയ്തിട്ടും ഔഖിബിനെ പ്രധാന ടെസ്റ്റ് ടീമിൽ ഉൾപ്പെടുത്താത്തതിനെതിരെ മുൻ ഇന്ത്യൻ ക്യാപ്റ്റൻ ദിലീപ് വെങ്സർക്കർ അടക്കമുള്ളവർ കടുത്ത വിമർശനവുമായി രംഗത്തെത്തിയിരുന്നു. നിലവിൽ കടുത്ത ചൂടും തുടർച്ചയായ മത്സരയാത്രകളും കാരണം മുൻനിര ബൗളർമാരായ മുഹമ്മദ് സിറാജ്, പ്രസിദ്ധ് കൃഷ്ണ എന്നിവർക്ക് നെറ്റ്സിൽ അമിത ജോലിഭാരം നൽകാതിരിക്കാനാണ് ആഭ്യന്തര താരങ്ങളെ നെറ്റ്സ് ബൗളർമാരായി മാനേജ്മെന്റ് ഉൾപ്പെടുത്തിയിരിക്കുന്നത്.
Summary: The BCCI has instructed Rohit Sharma and Hardik Pandya to report to the Centre of Excellence in Bengaluru for fitness clearance ahead of the ODI series against Afghanistan. While Hardik Pandya has already reported to the facility for a week-long assessment, there is no official update yet regarding Rohit Sharma’s arrival. Meanwhile, Jammu and Kashmir pacer Auqib Nabi Dar along with six other domestic players have been called to join the Indian team nets to assist batters due to extreme weather conditions.
