മുംബൈ: വരാനിരിക്കുന്ന 2027 ഏകദിന ലോകകപ്പിൽ ഇന്ത്യൻ നായകൻ രോഹിത് ശർമ്മ കളിക്കുന്ന കാര്യത്തിൽ ബിസിസിഐയ്ക്ക് കടുത്ത ആശങ്കയുള്ളതായി റിപ്പോർട്ട് (Rohit Sharma Fitness Concerns ODI). താരത്തിന്റെ ഫിറ്റ്നസ് നിലവാരത്തിൽ സെലക്ടർമാർ പൂർണ്ണ തൃപ്തരല്ലെന്നും, ഇത് ലോകകപ്പ് ടീമിലെ അദ്ദേഹത്തിന്റെ പങ്കാളിത്തത്തെ ബാധിച്ചേക്കുമെന്നും ടൈംസ് ഓഫ് ഇന്ത്യ പുറത്തുവിട്ട റിപ്പോർട്ടിൽ പറയുന്നു. അഫ്ഗാനിസ്ഥാനെതിരെയുള്ള ഏകദിന പരമ്പരയ്ക്കുള്ള ഇന്ത്യൻ ടീമിൽ രോഹിത്തിനെ ഉൾപ്പെടുത്തിയിട്ടുണ്ടെങ്കിലും, ഫിറ്റ്നസ് ടെസ്റ്റ് പാസ്സായാൽ മാത്രമേ അദ്ദേഹത്തിന് കളിക്കാനാകൂ.
ഐപിഎൽ 2026-ൽ ഹാംസ്ട്രിംഗ് പരിക്കിനെത്തുടർന്ന് മുംബൈ ഇന്ത്യൻസിന്റെ ഒന്നിലധികം മത്സരങ്ങൾ രോഹിത്തിന് നഷ്ടമായിരുന്നു. ഉടൻ തന്നെ 40 വയസ്സ് തികയുന്ന രോഹിത്തിന്റെ ശരീരത്തിന് 50 ഓവർ മത്സരങ്ങളിൽ പൂർണ്ണ സജ്ജമായി ഫീൽഡ് ചെയ്യാനുള്ള ശേഷിയുണ്ടോ എന്നാണ് ബിസിസിഐ പരിശോധിക്കുന്നത്. ഏകദിന ക്രിക്കറ്റിൽ ഐപിഎല്ലിലെപ്പോലെ ‘ഇംപാക്ട് പ്ലെയർ’ ആനുകൂല്യം ലഭിക്കില്ലെന്നതും വെല്ലുവിളിയാണ്. ഈ സാഹചര്യത്തിൽ യശസ്വി ജയ്സ്വാളിനൊപ്പം മറ്റൊരു ബാക്കപ്പ് ഓപ്പണറെക്കൂടി സജ്ജമാക്കാൻ സെലക്ടർമാർ ഒരുങ്ങുന്നുണ്ട്. നിലവിൽ മികച്ച ഫിറ്റ്നസുള്ള വിരാട് കോഹ്ലിയെയും രോഹിത് ശർമ്മയെയും ഇനി മുതൽ ഒരേ തട്ടിൽ അളക്കാനാകില്ലെന്ന നിലപാടിലാണ് ടീം മാനേജ്മെന്റ്.
Summary: The BCCI has expressed serious concerns regarding Rohit Sharma’s fitness levels for the upcoming 2027 ODI World Cup, according to a report. Although included in the squad for the Afghanistan ODI series, his participation depends entirely on passing strict fitness tests after missing several IPL 2026 matches due to a hamstring injury.
