ന്യൂഡൽഹി: ഇന്ത്യൻ സൂപ്പർ ലീഗ് (ISL) ക്ലബുകളായ കേരള ബ്ലാസ്റ്റേഴ്സ്, മോഹൻ ബഗാൻ സൂപ്പർ ജയന്റ്സ് എന്നിവരുൾപ്പെടെ ഏഴ് പ്രമുഖ ഫുട്ബോൾ ക്ലബുകൾക്ക് കടുത്ത തിരിച്ചടി (AIFF club license). വരാനിരിക്കുന്ന 2026-27 സീസണിലേക്കുള്ള അഖിലേന്ത്യാ ഫുട്ബോൾ ഫെഡറേഷൻ്റെ (AIFF) ആദ്യഘട്ട പ്രീമിയർ 1 ക്ലബ് ലൈസൻസിങ് പരിശോധനയിലാണ് ഈ ഏഴ് ക്ലബുകളുടെയും അപേക്ഷകൾ നിരസിക്കപ്പെട്ടത്.
കേരള ബ്ലാസ്റ്റേഴ്സ്, മോഹൻ ബഗാൻ എന്നിവർക്ക് പുറമെ ഒഡീഷ എഫ്സി, ചെന്നൈയിൻ എഫ്സി, മൊഹമ്മദൻസ് എസ്സി, ഇന്റർ കാശി, സ്പോർട്ടിങ് ഡൽഹി എന്നീ ക്ലബുകൾക്കാണ് ആദ്യഘട്ടത്തിൽ ലൈസൻസ് നിഷേധിച്ചത്. അതേസമയം നോർത്തീസ്റ്റ് യുണൈറ്റഡ്, പഞ്ചാബ് എഫ്സി, ബെംഗളൂരു എഫ്സി, ഈസ്റ്റ് ബംഗാൾ, എഫ്സി ഗോവ, മുംബൈ സിറ്റി, ജംഷെഡ്പൂർ എഫ്സി എന്നീ 7 ക്ലബുകൾ നിബന്ധനകളോടെ (with sanctions) ലൈസൻസ് സ്വന്തമാക്കി.
ദേശീയ ടൂർണമെൻ്റുകളിലും ഏഷ്യൻ ഫുട്ബോൾ കോൺഫെഡറേഷൻ്റെ (AFC) മത്സരങ്ങളിലും പങ്കെടുക്കാൻ ഈ ലൈസൻസ് അനിവാര്യമാണ്. എന്നാൽ നിലവിലെ തീരുമാനത്തിനെതിരെ അപ്പീൽ നൽകാനോ അല്ലെങ്കിൽ ഫെഡറേഷനിൽ നിന്ന് പ്രത്യേക ഇളവ് (exemption) തേടാനോ ക്ലബുകൾക്ക് നിയമപ്രകാരം സമയമുണ്ട്. ആവശ്യമായ മാനദണ്ഡങ്ങൾ പാലിച്ച് ക്ലബുകൾ അപ്പീൽ സമർപ്പിക്കുന്നതോടെ ഈ പ്രതിസന്ധി മറികടക്കാനാകും എന്നാണ് വിലയിരുത്തൽ.
Story Summary (English): The All India Football Federation (AIFF) has rejected the Premier 1 Club Licensing applications of seven top clubs, including Kerala Blasters FC and Mohun Bagan Super Giant, for the upcoming 2026-27 season. Alongside them, Odisha FC, Chennaiyin FC, Mohammedan SC, Inter Kashi, and Sporting Delhi also failed to secure the license in the first round. Meanwhile, seven other clubs, including Mumbai City FC and Bengaluru FC, were granted licenses with sanctions. The rejected clubs can appeal the decision and rectify their administrative shortcomings to secure participation in national tournaments.
