സലാല: ഒമാനിലെ സലാലയിൽ ഹൃദയാഘാതത്തെ തുടർന്ന് മലയാളി മരിച്ചു (Salalah Malayali expatriate). തൃശൂർ കുറുക്കഞ്ചേരി സ്വദേശി മഹേഷ് കക്കാട് അരവിന്ദൻ (45) ആണ് അന്തരിച്ചത്.
കഴിഞ്ഞ പത്ത് വർഷമായി സലാലയിലെ അൽ ഹഷാർ കമ്പനിയിൽ ഡെന്ററായി ജോലി ചെയ്തുവരികയായിരുന്നു മഹേഷ്. ഹൃദയാഘാതത്തെ തുടർന്നാണ് മരണം സംഭവിച്ചതെന്ന് ബന്ധുക്കൾ അറിയിച്ചു.
ഭാര്യ ധന്യ മഹേഷാണ്. മക്കൾ ഹിഷാനി മഹേഷും അമാന മഹേഷുമാണ്. പിതാവ് പരേതനായ അരവിന്ദ് കക്കാട് നാരായണനും മാതാവ് പരേതയായ പുഷ്പയുമാണ്.
കൈരളി സലാല ന്യൂ സലാല യൂണിറ്റിലെ സജീവ അംഗമായിരുന്നു മഹേഷ് കക്കാട് അരവിന്ദൻ. നിയമനടപടികൾ പൂർത്തിയാക്കിയ ശേഷം മൃതദേഹം നാട്ടിലേക്ക് കൊണ്ടുപോകുമെന്ന് കൈരളി സലാല ഭാരവാഹികൾ അറിയിച്ചു.
Story Summary:
A Malayali expatriate from Thrissur died of a heart attack in Salalah, Oman. The body will be repatriated to India after completing legal formalities.
