ജയ്പൂർ: ഭർത്താവിനെ മറ്റൊരു സ്ത്രീയോടൊപ്പം കണ്ട് പ്രകോപിതയായ ഭാര്യ തിരക്കേറിയ റോഡിൽ വെച്ച് ഇരുവർക്കും നേരെ ആക്രമണം അഴിച്ചുവിട്ടു. ജയ്പൂരിലെ ടോങ്ക് റോഡിൽ ഗാന്ധി നഗർ റെയിൽവേ സ്റ്റേഷന് സമീപമുള്ള ഗോൾഡൻ ലീഫ് ബിൽഡിംഗിന് മുന്നിലാണ് സംഭവം നടന്നത്.(Woman Assaults Husband And His Girlfriend On Busy Jaipur Road)
ഭർത്താവ് കാമുകിയോടൊപ്പം ബൈക്കിൽ പോകുന്നത് കണ്ടതോടെ ഭാര്യ ബൈക്ക് തടഞ്ഞുനിർത്തുകയായിരുന്നു. തുടർന്ന് ബൈക്കിൽ നിന്ന് കാമുകിയെ മുടിയിൽ പിടിച്ച് താഴെയിറക്കുകയും പരസ്യമായി മർദ്ദിക്കുകയും ചെയ്തു. ഇതിനിടെ ഭാര്യയെ തടയാൻ ശ്രമിച്ച ഭർത്താവിനെതിരെയും യുവതി തിരിഞ്ഞു.
ഭർത്താവിന്റെ കോളറിൽ പിടിച്ച് വലിക്കുകയും മുഖത്ത് അടിക്കുകയും ചെയ്ത യുവതി, ഇദ്ദേഹത്തെയും മർദ്ദനത്തിന് ഇരയാക്കി. തിരക്കേറിയ റോഡിൽ നടന്ന ഈ നാടകീയ സംഭവം കണ്ടുനിന്നവർക്ക് എന്ത് സംഭവിക്കുന്നു എന്ന് ആദ്യം മനസ്സിലായില്ലെങ്കിലും, പിന്നീട് ദൃശ്യങ്ങൾ സാമൂഹിക മാധ്യമങ്ങളിൽ പ്രചരിക്കുകയായിരുന്നു.
Story Summary
A dramatic confrontation occurred on a busy road in Jaipur after a woman caught her husband riding with his alleged mistress. The wife pulled the woman off the motorcycle and assaulted both her and her husband in full public view.
