മുംബൈ: സ്വന്തം മക്കളെ ബസിനുള്ളിൽ ഉപേക്ഷിച്ച്, കാമുകനൊപ്പം യുവതി ഒളിച്ചോടി. മഹാരാഷ്ട്രയിലെ പന്ഢർപൂർ – സംഭാജി നഗർ റൂട്ടിലോടുന്ന ബസിലാണ് മനസ്സാക്ഷിയെ ഞെട്ടിക്കുന്ന ഈ സംഭവം അരങ്ങേറിയത് (Woman Abandons Children On Bus). “ഈ കുട്ടികൾക്ക് മാതാപിതാക്കളില്ല, ഇവരെ യവത്മാലിലേക്കുള്ള ബസിൽ കയറ്റി വിടണം” എന്നെഴുതിയ ഒരു കുറിപ്പും ഒരു ഫോൺ നമ്പറും കുട്ടികളിൽ ഒരാളുടെ പോക്കറ്റിൽ നിന്നുമാണ് പിന്നീട് കണ്ടെത്തിയത്.
ബസ് ബീഡിൽ എത്തിയപ്പോൾ കുട്ടികൾ തനിച്ചിരുന്ന് കരയുന്നത് ശ്രദ്ധയിൽപ്പെട്ട കണ്ടക്ടറാണ് പോലീസിൽ വിവരമറിയിച്ചത്. തുടർന്ന് നടത്തിയ അന്വേഷണത്തിലാണ് ഞെട്ടിക്കുന്ന വിവരങ്ങൾ പുറത്തുവന്നത്. ഏപ്രിൽ 30-ന് യവത്മാൽ സ്വദേശിയായ ഒരു വയോധികൻ തന്റെ മകൾ വീട്ടിൽ നിന്നും പണവും സ്കൂട്ടറുമായി ഒളിച്ചോടിയെന്ന് കാണിച്ച് പോലീസിൽ പരാതി നൽകിയിരുന്നു. ഈ വയോധികനായിരുന്നു ബസിൽ ഉപേക്ഷിക്കപ്പെട്ട കുട്ടികളുടെ മുത്തശ്ശൻ. എന്നാൽ പോലീസ് സ്റ്റേഷനിലെത്തിയ ഇയാൾ, മകൾ മോഷ്ടിച്ചുകൊണ്ടുപോയ തന്റെ സ്കൂട്ടറിനെക്കുറിച്ചാണ് കൂടുതൽ വ്യാകുലപ്പെട്ടതെന്നും, അനാഥരായ പേരക്കുട്ടികളെ ഏറ്റെടുക്കാൻ തയ്യാറായില്ലെന്നും പോലീസ് വ്യക്തമാക്കുന്നു. നിലവിൽ ബീഡ് ചൈൽഡ് വെൽഫെയർ കമ്മിറ്റിയുടെയും ജില്ലാ ഭരണകൂടത്തിന്റെയും നേതൃത്വത്തിൽ കുട്ടികളെ ഒരു ശിശുഗൃഹത്തിലേക്ക് മാറ്റിയിരിക്കുകയാണ്.
Summary: A shocking incident of child abandonment has emerged from Maharashtra, where a woman left her two young children on a Pandharpur-Sambhaji Nagar bus to elope with her lover. The bus conductor discovered the weeping children along with a handwritten note in a child’s pocket falsely stating they had no parents and requesting them to be sent to Yavatmal. Police investigation revealed that the woman had also stolen cash and a scooter from her elderly father before fleeing.
