ചെന്നൈ: തമിഴ്നാട്ടിലെ പ്രശസ്തമായ ‘അമ്മ കാന്റീനുകൾ’ സമഗ്രമായി നവീകരിക്കാൻ മുഖ്യമന്ത്രി വിജയ് ഉത്തരവിട്ടു. കാന്റീനുകളിൽ വിതരണം ചെയ്യുന്ന ഭക്ഷണത്തിന്റെ ഗുണനിലവാരത്തെക്കുറിച്ച് സംസ്ഥാനവ്യാപകമായി പരാതികൾ ഉയർന്ന പശ്ചാത്തലത്തിലാണ് മുഖ്യമന്ത്രിയുടെ അടിയന്തര ഇടപെടൽ. നിലവിൽ ചെന്നൈ നഗരത്തിൽ 383 കാന്റീനുകളും തമിഴ്നാടിന്റെ മറ്റ് ഭാഗങ്ങളിലായി 267 കാന്റീനുകളുമാണ് പ്രവർത്തിക്കുന്നത്.(Tamil Nadu CM Vijay Orders Renovation Of Amma Canteens To Improve Quality)
കാന്റീൻ കെട്ടിടങ്ങളുടെ അറ്റകുറ്റപ്പണികൾ തീർക്കാനും പാചകത്തിന് ആവശ്യമായ ആധുനിക ഉപകരണങ്ങളുടെ ലഭ്യത ഉറപ്പാക്കാനും ഉദ്യോഗസ്ഥർക്ക് നിർദേശം നൽകിയിട്ടുണ്ട്. തമിഴ്നാട് മുഖ്യമന്ത്രിയായി ചുമതലയേറ്റ ശേഷം ജനപ്രിയമായ നിരവധി തീരുമാനങ്ങളാണ് വിജയ് കൈക്കൊള്ളുന്നത്.
ഇതിന്റെ ഭാഗമായി ആരാധനാലയങ്ങൾക്കും വിദ്യാലയങ്ങൾക്കും സമീപമുണ്ടായിരുന്ന 717 ടാസ്മാക് മദ്യശാലകൾ പൂട്ടാൻ അദ്ദേഹം അടുത്തിടെ ഉത്തരവിട്ടിരുന്നു. ഇതിന് തൊട്ടുപിന്നാലെയാണ് അമ്മ കാന്റീൻ പദ്ധതിയെ പുനരുജ്ജീവിപ്പിക്കാൻ സർക്കാർ മുന്നിട്ടിറങ്ങുന്നത്.
Story Summary
Tamil Nadu Chief Minister Vijay has ordered a comprehensive renovation of the historic ‘Amma Canteens’ following complaints about food quality. This welfare move comes shortly after his major decision to shut down 717 TASMAC liquor shops located near schools and places of worship across the state.
