വനിതാ പ്രീമിയർ ലീഗ് (WPL 2026) ഫൈനലിൽ ഡൽഹി ക്യാപിറ്റൽസിനെ തകർത്ത് റോയൽ ചലഞ്ചേഴ്സ് ബാംഗ്ലൂർ തുടർച്ചയായ രണ്ടാം തവണയും കിരീടം ചൂടിയിരുന്നു. 41 പന്തിൽ 87 റൺസെടുത്ത നായിക സ്മൃതി മന്ദാനയുടെ (Smriti Mandhana) തകർപ്പൻ പ്രകടനമാണ് ആർസിബിയെ വിജയത്തിലെത്തിച്ചത്. മത്സരത്തിന് തലേദിവസം 103 ഡിഗ്രി പനിയുണ്ടായിരുന്നിട്ടും കളത്തിലിറങ്ങിയ സ്മൃതിയെ പ്രശംസകൾ കൊണ്ട് മൂടുകയാണ് ക്രിക്കറ്റ് ലോകം. എന്നാൽ, വിജയത്തിന് പിന്നാലെ സ്മൃതിയുടെ അമ്മ സ്മിത മന്ദാന സോഷ്യൽ മീഡിയയിൽ പങ്കുവെച്ച ഒരു ഇൻസ്റ്റാഗ്രാം സ്റ്റോറിയാണ് ഇപ്പോൾ പുതിയ ചർച്ചകൾക്ക് തുടക്കമിട്ടിരിക്കുന്നത്.
സ്മൃതിയുടെ മുൻ കാമുകനും സംഗീത സംവിധായകനുമായ പലാഷ് മുച്ചലിനെ പരിഹസിച്ചുകൊണ്ടുള്ള ഒരു മീം സ്മിത മന്ദാന തന്റെ അക്കൗണ്ടിൽ പോസ്റ്റ് ചെയ്തതാണ് ആരാധകരെ ആവേശത്തിലാക്കിയത്. ഡൽഹി ബൗളർമാരെ സ്മൃതി അടിച്ചുതകർക്കുന്നത് കണ്ടാൽ, ഓരോ പന്തിലും പലാഷിന്റെ മുഖം കണ്ടുകൊണ്ട് അടിക്കുന്നത് പോലെയാണ് തോന്നുന്നതെന്നായിരുന്നു മീമിലെ ഉള്ളടക്കം. സ്മൃതിയുടെ അമ്മ തന്നെ ഇത് പങ്കുവെച്ചതോടെ ‘സാവേജ് ആന്റി’എന്ന വിശേഷണത്തോടെ സോഷ്യൽ മീഡിയ ഇത് ഏറ്റെടുത്തു. സംഭവം വൈറലായതോടെ ശനിയാഴ്ച രാവിലെ സ്മിത ഈ പോസ്റ്റ് നീക്കം ചെയ്തെങ്കിലും ഇതിന്റെ സ്ക്രീൻഷോട്ടുകൾ ഇന്റർനെറ്റിൽ വ്യാപകമായി പ്രചരിക്കുന്നുണ്ട്.
View this post on Instagram
സ്മൃതിയും പലാഷും തമ്മിലുള്ള വിവാഹം കഴിഞ്ഞ നവംബർ 23-ന് നടക്കേണ്ടതായിരുന്നു. എന്നാൽ വിവാഹത്തിന് തൊട്ടുമുമ്പ് പലാഷ് സ്മൃതിയെ ചതിച്ചുവെന്ന റിപ്പോർട്ടുകൾ വന്നതോടെ ചടങ്ങുകൾ റദ്ദാക്കുകയായിരുന്നു. ഈ വ്യക്തിപരമായ പ്രതിസന്ധികളെ അതിജീവിച്ച് സ്മൃതി മൈതാനത്ത് നടത്തിയ പ്രകടനത്തെ അമ്മ തന്നെ ഇത്തരത്തിൽ ആഘോഷിച്ചത് ആരാധകർക്ക് വലിയ കൗതുകമായി. പലാഷ് അടുത്തിടെ തന്റെ പുതിയ സിനിമാ പ്രൊജക്റ്റ് പ്രഖ്യാപിച്ചിരുന്നുവെങ്കിലും, സ്മൃതിയുടെ വിജയത്തോടെ സോഷ്യൽ മീഡിയയിൽ അദ്ദേഹത്തിനെതിരെ വലിയ രീതിയിലുള്ള പരിഹാസങ്ങളാണ് ഉയരുന്നത്.
Summary: Smriti Mandhana’s mother, Smita, went viral for resharing a meme roasting the cricketer’s ex-fiancé Palash Muchhal after RCB’s WPL 2026 victory. Fans hailed the “savage” move, which referenced the couple’s recently called-off wedding.
