ബെംഗളൂരു: ക്രിക്കറ്റ് ലോകത്തെ ഞെട്ടിച്ചുകൊണ്ട് മുൻ കർണാടക രഞ്ജി ട്രോഫി താരം എസ്.എൽ. അക്ഷയ് അന്തരിച്ചു. ബെംഗളൂരുവിൽ പ്രാദേശിക ഡിവിഷൻ ക്രിക്കറ്റ് മത്സരം കളിക്കുന്നതിനിടെ ഉണ്ടായ പെട്ടെന്നുള്ള ഹൃദയാഘാതത്തെ തുടർന്നായിരുന്നു അന്ത്യം. ശിവമോഗ സ്വദേശിയായ അക്ഷയ് മുൻപ് കർണാടകയ്ക്ക് വേണ്ടി രഞ്ജി ട്രോഫിയിലും, കർണാടക പ്രീമിയർ ലീഗിലും കളിച്ചിട്ടുണ്ട്.(SL Akshay cricketer death, Former Karnataka Ranji Cricketer SL Akshay Passes Away )
ബെംഗളൂരു കെ.ആർ. പുരത്തുള്ള ഗ്രൗണ്ടിൽ മൂന്നാം ഡിവിഷൻ മത്സരം കളിക്കുന്നതിനിടെയാണ് ദുരന്തമുണ്ടായത്. ഉച്ചയ്ക്ക് ശേഷം ഫീൽഡ് ചെയ്യുന്നതിനിടയിൽ അക്ഷയ്ക്ക് പെട്ടെന്ന് നെഞ്ചുവേദന അനുഭവപ്പെടുകയായിരുന്നു. ഉടൻ തന്നെ സഹതാരങ്ങൾ ചേർന്ന് തൊട്ടടുത്തുള്ള ആശുപത്രിയിൽ എത്തിച്ചെങ്കിലും അതിനുമുൻപ് തന്നെ മരണം സംഭവിച്ചിരുന്നതായി ഡോക്ടർമാർ സ്ഥിരീകരിച്ചു.
അക്ഷയ്യുടെ അപ്രതീക്ഷിത വിയോഗം കർണാടക ക്രിക്കറ്റ് സമൂഹത്തെ ഒന്നടങ്കം ആഴത്തിലുള്ള ദുഃഖത്തിലാഴ്ത്തി. മുൻ ഇന്ത്യൻ താരം ദൊഡ്ഡ ഗണേഷ് എക്സ് പോസ്റ്റിലൂടെ തന്റെ അനുശോചനം രേഖപ്പെടുത്തി. അക്ഷയ്യുടെ വിയോഗത്തിൽ കർണാടക സ്റ്റേറ്റ് ക്രിക്കറ്റ് അസോസിയേഷനും അനുശോചനം രേഖപ്പെടുത്തി.
Story Summary
Former Karnataka Ranji Trophy fast bowler S L Akshay passed away at the age of 39 after suffering a heart attack while playing a local division cricket match in Bengaluru. The cricket fraternity, including former India cricketer Dodda Ganesh and the KSCA, expressed deep grief over his sudden demise.
