നാഗ്പൂരിൽ റോഡ് തർക്കത്തെ തുടർന്ന് ഡ്യൂട്ടിയിലുണ്ടായിരുന്ന പോലീസുകാരനെ ഗുണ്ടാസംഘം കാറിൽ നിന്ന് വലിച്ചിറക്കി ക്രൂരമായി മർദ്ദിച്ചു. കഴിഞ്ഞ ജൂൺ 28-ന് രാത്രി മങ്കാപൂർ ചൗക്കിന് സമീപമാണ് നടുക്കുന്ന സംഭവം അരങ്ങേറിയത്. പോലീസുകാരൻ സഞ്ചരിച്ചിരുന്ന കാർ ബൈക്കുകളിലെത്തിയ എട്ടോളം യുവാക്കൾ തടഞ്ഞുനിർത്തുകയും, ശേഷം കാറിൽ നിന്ന് വലിച്ചിറക്കി പരസ്യമായി മർദ്ദിക്കുകയുമായിരുന്നു (Police Officer Assault Nagpur). അക്രമികൾ പോലീസുകാരന്റെ കാറും അടിച്ചുതകർത്തു. സമീപത്തെ സിസിടിവി ക്യാമറയിൽ പതിഞ്ഞ ദൃശ്യങ്ങൾ വലിയ പ്രതിഷേധത്തിനാണ് വഴിവെച്ചിരിക്കുന്നത്.
ഗുരുതരമായി പരിക്കേറ്റ പോലീസുകാരനെ നാട്ടുകാരുടെ സഹായത്തോടെ സ്വകാര്യ ആശുപത്രിയിൽ പ്രവേശിപ്പിച്ചു. ഇദ്ദേഹം ചികിത്സയിലാണ്. സംഭവത്തിൽ അന്വേഷണം നടത്തിയ പോലീസ് സിസിടിവി ദൃശ്യങ്ങളുടെയും സാങ്കേതിക തെളിവുകളുടെയും അടിസ്ഥാനത്തിൽ 14 പേരെ പിടികൂടി. ഹർഷ് പവാർ, ഗൗരവ് ദിർഡെ, സന്യാം ഗണേഷ്പുരി തുടങ്ങി 14 പേരെയാണ് പോലീസ് അറസ്റ്റ് ചെയ്തത്. പിടിയിലായവരിൽ പലർക്കും ക്രിമിനൽ പശ്ചാത്തലമുണ്ടെന്ന് പോലീസ് അറിയിച്ചു. ഇവർ സഞ്ചരിച്ചിരുന്ന അഞ്ച് ഇരുചക്രവാഹനങ്ങളും പോലീസ് കസ്റ്റഡിയിലെടുത്തു.
റോഡിലൂടെ വലിച്ചിഴച്ച് കൊണ്ടുപോയി മർദ്ദിക്കുന്നതും, നിലത്തിരുത്തി മുഖത്ത് ചവിട്ടുന്നതും ദൃശ്യങ്ങളിൽ വ്യക്തമാണ്. പോലീസുകാരൻ കാറിൽ ഒപ്പമുണ്ടായിരുന്ന സുഹൃത്തിനൊപ്പം സഞ്ചരിക്കുമ്പോഴാണ് സംഘം ആക്രമണം നടത്തിയത്. നിസാരമായ ഒരു റോഡ് തർക്കമാണ് ഇത്രയും വലിയ അക്രമത്തിലേക്ക് നയിച്ചത്. അക്രമികൾക്കെതിരെ കർശന നടപടി സ്വീകരിക്കുമെന്ന് നാഗ്പൂർ പോലീസ് വ്യക്തമാക്കി.
Summary: A police officer was dragged out of his car and brutally assaulted by a group of men in a road rage incident in Nagpur. The 35-year-old officer was intercepted by eight men on motorcycles on June 28, leading to a violent attack that was captured on CCTV. Nagpur police have since arrested 14 individuals involved, several of whom have prior criminal records, and seized five two-wheelers used in the incident. The victim is currently undergoing treatment for serious injuries at a private hospital.
