ഹൈദരാബാദ്: വിവാഹേതര ബന്ധത്തെത്തുടർന്നുള്ള പകയിൽ കാമുകന്റെ ഭാര്യയെയും ആറുമാസം പ്രായമുള്ള മകനെയും യുവതി തീകൊളുത്തിക്കൊന്നു (Nalgonda Extramarital Affair Murder). തെലങ്കാനയിലെ നൽഗൊണ്ട ജില്ലയിൽ ശനിയാഴ്ച ഉച്ചയ്ക്കാണ് നാടിനെ നടുക്കിയ സംഭവം നടന്നത്. 28 വയസ്സുകാരിയായ യുവതിയും കുഞ്ഞുമാണ് മരണപ്പെട്ടത്. പ്രതിയായ യുവതിക്ക് കൊല്ലപ്പെട്ട യുവതിയുടെ ഭർത്താവുമായി പ്രണയബന്ധമുണ്ടായിരുന്നു. ഇയാൾ തന്നെ അവഗണിക്കുന്നു എന്നാരോപിച്ചാണ് പ്രതി പെട്രോളും മുളകുപൊടിയും കത്തിയും കരുതി യുവാവിന്റെ വീട്ടിലെത്തിയത്.
സംഭവസമയത്ത് യുവാവ് വീട്ടിലുണ്ടായിരുന്നില്ല. വീട്ടിനുള്ളിൽ അതിക്രമിച്ചു കയറിയ പ്രതി കാമുകന്റെ ഭാര്യയുടെ മേൽ പെട്രോൾ ഒഴിച്ച് തീ കൊളുത്തുകയായിരുന്നു. ഇതിനിടെ കൂടെയുണ്ടായിരുന്ന ആറുമാസം പ്രായമുള്ള കുഞ്ഞിനും ഗുരുതരമായി പൊള്ളലേറ്റു. കുഞ്ഞിനെ ഉടൻ സർക്കാർ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. നേരത്തെ വിവാഹിതയായിരുന്ന പ്രതിയുടെ ഭർത്താവ് മരിച്ചുപോയതാണെന്ന് പോലീസ് പറഞ്ഞു. കൊലപാതകത്തിൽ യുവാവിന് എന്തെങ്കിലും പങ്കുണ്ടോ എന്നതടക്കമുള്ള കാര്യങ്ങൾ പോലീസ് അന്വേഷിച്ചുവരികയാണ്.
Summary
A woman in Telangana’s Nalgonda district allegedly murdered a man’s 28-year-old wife and their six-month-old son by setting them on fire due to an extramarital dispute. The accused, who carried petrol and weapons to the house, was reportedly enraged by the man’s neglect, leading to the fatal attack while he was away.
