കാൺപൂർ: കഠിനമായി ശ്രമിച്ചിട്ടും സർക്കാർ ജോലി നേടാൻ കഴിയാത്തതിൽ മനംനൊന്ത് 23-കാരനായ ബി.ടെക് ഗോൾഡ് മെഡലിസ്റ്റ് വീടിനുള്ളിൽ ആത്മഹത്യ ചെയ്തു. ഉത്തർപ്രദേശിലെ കാൺപൂരിലാണ് നാടിനെ കണ്ണീരിലാഴ്ത്തിയ സംഭവം ഉണ്ടായത്. ആത്മഹത്യ ചെയ്യുന്നതിന് മുൻപ് തന്റെ പിതാവിനോട് മാപ്പ് ചോദിച്ചുകൊണ്ട് യുവാവ് എഴുതിയ കത്ത് പോലീസ് കണ്ടെടുത്തു.(Kanpur scholar suicide, B Tech Gold Medallist Anand Dies By Suicide)
കാൺപൂരിലെ പി.എസ്.ഐ.ടി എന്ന സ്വകാര്യ എൻജിനീയറിങ് കോളേജിൽ നിന്നും 2024-ൽ ഇലക്ട്രിക്കൽ എൻജിനീയറിങ് വിഭാഗത്തിൽ ഒന്നാം റാങ്കോടെയാണ് ആനന്ദ് ബി.ടെക് പാസ്സായത്. ഉത്തർപ്രദേശ് സംസ്ഥാന തലത്തിൽ മൂന്നാം റാങ്ക് കരസ്ഥമാക്കിയ ഇയാൾക്ക് 2024 ഓഗസ്റ്റ് 13-ന് നടന്ന കോളേജ് ചടങ്ങിൽ വെച്ച് ഗോൾഡ് മെഡൽ നൽകി ആദരിച്ചിരുന്നു. മികച്ച അക്കാദമിക് പശ്ചാത്തലമുണ്ടായിട്ടും തുടർന്ന് എഴുതിയ സർക്കാർ ജോലിനായുള്ള മത്സരപരീക്ഷകളിൽ വിജയിക്കാൻ സാധിക്കാത്തതാണ് യുവാവിനെ കടുംകൈക്ക് പ്രേരിപ്പിച്ചത്.
ഗോവിന്ദ് നഗറിലെ ഗുജൈനി മേഖലയിലുള്ള മൂന്ന് നില വീടിന്റെ മുറിക്കുള്ളിലെ ഫാനിൽ ആനന്ദിനെ തൂങ്ങിമരിച്ച നിലയിൽ കണ്ടെത്തുകയായിരുന്നു. ഞായറാഴ്ച രാവിലെ വീട്ടിലെ ജീവനക്കാരി എത്തി മുറിയുടെ വാതിലിൽ തുടർച്ചയായി മുട്ടിയിട്ടും പ്രതികരണമില്ലാതെ വന്നതോടെ അയൽവാസികളെയും പോലീസിനെയും വിവരമറിയിക്കുകയായിരുന്നു. പോലീസ് എത്തി വാതിൽ പൊളിച്ച് അകത്തുകയറിയപ്പോഴാണ് മൃതദേഹം കണ്ടെത്തിയത്. “സോറി പപ്പാ, ഞാൻ പരമാവധി ശ്രമിച്ചു…” എന്ന് തുടങ്ങുന്ന ആനന്ദിന്റെ ആത്മഹത്യാക്കുറിപ്പ് പോലീസ് കണ്ടെടുത്തിട്ടുണ്ട്. സംഭവത്തിൽ പോലീസ് അന്വേഷണം ആരംഭിച്ചു.
Story Summary
Anand, a 23-year-old B Tech gold medallist and state-level rank holder, died by suicide at his residence in Kanpur’s Gujaini area. Police recovered a suicide note where the youth apologized to his father for failing to secure a government job despite multiple attempts.
