മുംബൈ: ആഗോള വിപണിയിലെ പ്രതികൂല സാഹചര്യങ്ങളെത്തുടർന്ന് അമേരിക്കൻ ഡോളറിനെതിരെ ചരിത്രത്തിലെ ഏറ്റവും വലിയ തകർച്ച നേരിട്ട് ഇന്ത്യൻ രൂപ (Indian Rupee Record Low 96,). ഇന്ന് വ്യാപാരത്തിനിടയിൽ ചരിത്രത്തിലാദ്യമായി രൂപയുടെ മൂല്യം 96 കടന്ന് 96.06 എന്ന റെക്കോർഡ് താഴ്ചയിലേക്ക് കൂപ്പുകുത്തി. വ്യാപാരത്തിനൊടുവിൽ നേരിയ തിരിച്ചുവരവ് നടത്തിയ രൂപ 95.97 എന്ന നിലയിലാണ് ഇന്ന് ക്ലോസ് ചെയ്തത്.
പശ്ചിമേഷ്യയിലെ നിലവില്ലാത്ത രാഷ്ട്രീയ അസ്ഥിരതയും ഹോർമുസ് കടലിടുക്കിലെ തർക്കങ്ങളും കാരണം അന്താരാഷ്ട്ര വിപണിയിൽ ക്രൂഡ് ഓയിൽ വില കുതിച്ചുയരുകയാണ്. ബ്രെന്റ് ക്രൂഡ് ഓയിൽ വില ബാരലിന് 110 ഡോളർ കടന്നേക്കുമെന്നാണ് വിലയിരുത്തൽ. എണ്ണ ഇറക്കുമതിക്കായി ഇന്ത്യ കൂടുതൽ ഡോളർ ചിലവഴിക്കേണ്ടി വരുന്നത് രൂപയെ ദുർബലപ്പെടുത്തുന്നു.
വിദേശ ധനകാര്യ സ്ഥാപനങ്ങൾ (FIIs) ഇന്ത്യൻ വിപണിയിൽ നിന്ന് വൻതോതിൽ പണം പിൻവലിക്കുന്നതും ആഭ്യന്തര വിപണിയിൽ ഡോളറിന്റെ ആവശ്യം വർദ്ധിച്ചതും രൂപയ്ക്ക് മേൽ കടുത്ത സമ്മർദ്ദമുണ്ടാക്കി. ബീജിങ്ങിൽ വെച്ച് നടന്ന അമേരിക്കൻ പ്രസിഡന്റ് ജെ.ഡി. വാൻസും ചൈനീസ് പ്രസിഡന്റ് ഷി ജിൻപിങ്ങും തമ്മിലുള്ള കൂടിക്കാഴ്ചയിലും പശ്ചിമേഷ്യൻ തർക്കങ്ങൾ പരിഹരിക്കുന്നതിൽ വ്യക്തമായ തീരുമാനമാകാത്തത് അന്താരാഷ്ട്ര വിപണിയിൽ ആശങ്ക വർദ്ധിപ്പിച്ചു.
നിലവിലെ തകർച്ചയോടെ ഈ വർഷം ഏഷ്യയിൽ ഏറ്റവും മോശം പ്രകടനം കാഴ്ചവെക്കുന്ന കറൻസിയായി ഇന്ത്യൻ രൂപ മാറി. ഇറക്കുമതി ചെലവ് വർദ്ധിക്കുന്നത് വരും ദിവസങ്ങളിൽ രാജ്യത്ത് പണപ്പെരുപ്പത്തിനും നിത്യോപയോഗ സാധനങ്ങളുടെ വിലക്കയറ്റത്തിനും കാരണമായേക്കുമെന്ന് സാമ്പത്തിക വിദഗ്ധർ മുന്നറിയിപ്പ് നൽകുന്നു.
News Summary: The Indian rupee hit an all-time low, breaching the 96-mark against the US dollar to touch a record low of 96.06 during intra-day trade before closing at 95.97. The historic slump is driven by escalating tensions in the Middle East and disputes over the Strait of Hormuz, pushing Brent crude oil prices toward $110 per barrel. Additionally, massive capital outflows by Foreign Institutional Investors (FIIs) from Indian markets have severely pressured the currency. Global market uncertainties further deepened following the meeting between US President J.D. Vance and Chinese President Xi Jinping in Beijing, which failed to offer solutions to geopolitical conflicts. Experts warn that the plunging rupee, now one of Asia’s worst-performing currencies this year, will spike import costs and fuel domestic inflation.
