കോഴിക്കോട്: സ്റ്റോപ്പില്ലാത്ത സ്ഥലത്ത് ബസ് നിർത്താൻ ആവശ്യപ്പെട്ടത് നിരാകരിച്ചതിനെ തുടർന്ന് കെഎസ്ആർടിസിയുടെ സൂപ്പർഫാസ്റ്റ് പ്രീമിയം ബസിന്റെ സൈഡ് ഗ്ലാസ് യുവതി അടിച്ചുപൊട്ടിച്ചു (KSRTC Bus Glass Smashed Woman). മൂന്ന് ദിവസം മുൻപ് കോഴിക്കോട് മിംസ് ആശുപത്രിക്ക് സമീപം നടന്ന സംഭവത്തിന്റെ ദൃശ്യങ്ങൾ സോഷ്യൽ മീഡിയയിൽ പ്രചരിച്ചതോടെയാണ് സംഭവം പുറംലോകം അറിഞ്ഞത്. പൊതുമുതൽ നശിപ്പിച്ചതിന് യുവതിയിൽ നിന്നും കെഎസ്ആർടിസി അധികൃതർ 25,000 രൂപ പിഴ ഈടാക്കി.
കോഴിക്കോട് മിംസ് ആശുപത്രിക്ക് സമീപമെത്തിയപ്പോൾ ബസ് നിർത്തണമെന്ന് യുവതി ആവശ്യപ്പെട്ടു. എന്നാൽ പ്രീമിയം ബസുകൾക്ക് അവിടെ സ്റ്റോപ്പില്ലാത്തതിനാൽ വാഹനം നിർത്താൻ കഴിയില്ലെന്ന് ഡ്രൈവറും കണ്ടക്ടറും അറിയിച്ചു. ഇതോടെ യുവതി ജീവനക്കാരുമായി തർക്കത്തിലേർപ്പെടുകയും ദൃശ്യങ്ങൾ മൊബൈലിൽ പകർത്താൻ ശ്രമിക്കുകയും ചെയ്തു.
തർക്കത്തിനൊടുവിൽ ബസിനുള്ളിൽ സൂക്ഷിച്ചിരുന്ന എമർജൻസി ഗ്ലാസ് ബ്രേക്കിങ് ഹാമർ (Glass Breaking Hammer) കൈക്കലാക്കിയ യുവതി മുൻവശത്തെ ഡോറിന്റെ ചില്ല് അടിച്ചുതകർക്കുകയായിരുന്നു.
സംഭവം അക്രമത്തിലേക്ക് മാറിയതോടെ ജീവനക്കാർ ബസ് കോഴിക്കോട് മെഡിക്കൽ കോളേജ് പോലീസ് സ്റ്റേഷനിലേക്ക് ഓടിച്ചുപോയി. തുടർന്ന് കെഎസ്ആർടിസി അധികൃതർ ഇടപെടുകയും ബസിനുണ്ടായ കേടുപാടുകൾക്ക് നഷ്ടപരിഹാരമായി യുവതിയിൽ നിന്ന് 25,000 രൂപ പിഴ ഈടാക്കി കേസ് ഒത്തുതീർപ്പാക്കി വിട്ടയക്കുകയുമായിരുന്നു.
നെടുമങ്ങാട് കെഎസ്ആർടിസി ഡിപ്പോയുമായി ബന്ധപ്പെട്ട ഒരു സോഷ്യൽ മീഡിയ പേജിലൂടെയാണ് ഈ ദൃശ്യങ്ങൾ ആദ്യം പുറത്തുവന്നത്. നിയമം ലംഘിച്ച് പൊതുമുതൽ തകർത്ത യുവതിക്കെതിരെ സോഷ്യൽ മീഡിയയിൽ വലിയ രീതിയിലുള്ള പ്രതിഷേധം ഉയരുന്നുണ്ട്.
News Summary: A woman smashed the front door glass of a KSRTC Superfast Premium bus after the crew refused to stop at a non-designated location near MIMS Hospital, Kozhikode. The argument escalated when the woman demanded an unscheduled stop, which the driver and conductor denied due to service regulations. In a fit of rage, she used the emergency safety hammer inside the bus to break the window. The bus was driven straight to the Kozhikode Medical College Police Station. The matter was later settled after KSRTC authorities collected a fine of ₹25,000 from the woman for property damage. The video of the incident went viral on social media, drawing widespread criticism.
