ന്യൂഡൽഹി: കഴിഞ്ഞ അഞ്ച് വർഷമായി നാട്ടിലെത്താൻ കഴിയാതെ യുഎഇയിൽ കുടുങ്ങിക്കിടന്ന ഒഡീഷ സ്വദേശിനി ഹസ്ത മഹാനന്ദ ഒടുവിൽ തന്റെ മക്കളുടെ അരികിലേക്ക്. കുടുംബവുമായി യാതൊരു ബന്ധവുമില്ലാതെ ഇവർ കഴിയുകയാണെന്ന് വ്യക്തമായതോടെ ഒഡീഷ ഹൈക്കോടതിയുടെ ഇടപെടലും ഇന്ത്യൻ കോൺസുലേറ്റിന്റെ കൃത്യമായ ഇടപെടലുമാണ് ഇവരെ സുരക്ഷിതമായി നാട്ടിലെത്തിച്ചത്.(Indian Consulate Dubai Rescues Stranded Odisha Woman)
2022-ൽ ജോലി തേടിയാണ് ഹസ്ത യുഎഇയിലെത്തിയത്. എന്നാൽ പിന്നീട് വീട്ടുകാരുമായുള്ള എല്ലാ ബന്ധങ്ങളും വിച്ഛേദിക്കപ്പെട്ടു. ഇവരെ കണ്ടെത്താൻ ബന്ധുക്കൾ അധികൃതരെ സമീപിച്ചതോടെയാണ് ഇന്ത്യൻ കോൺസുലേറ്റ് അന്വേഷണം ആരംഭിച്ചത്. കോൺസുലേറ്റ് ഉദ്യോഗസ്ഥർ ആദ്യം നൽകിയ ഫോൺ നമ്പറിൽ ബന്ധപ്പെടാൻ ശ്രമിച്ചെങ്കിലും ഫലമുണ്ടായില്ല. ഇതിനിടെ സോഷ്യൽ മീഡിയയിൽ സഹായം അഭ്യർത്ഥിച്ച് ഹസ്ത ഒരു വീഡിയോ പങ്കുവെച്ചിരുന്നു. ഇതും ഉദ്യോഗസ്ഥർക്ക് വലിയ സഹായമായി.
ഔദ്യോഗിക ചാനലുകൾ വഴി അന്വേഷണം നടത്തിയ ഉദ്യോഗസ്ഥർ ഹസ്തയുടെ പാസ്പോർട്ട് വിവരങ്ങളും വിസ രേഖകളും കണ്ടെത്തി. തുടർന്ന് സ്പോൺസറെയും കമ്പനി മാനേജരെയും കണ്ടെത്തി. 2026 മെയ് 12-ന് കമ്പനി മാനേജർക്കൊപ്പം ഹസ്ത കോൺസുലേറ്റിലെത്തി. താൻ സുരക്ഷിതയാണെന്നും എന്നാൽ നാട്ടിലേക്ക് മടങ്ങാൻ ആഗ്രഹമുണ്ടായിട്ടും തൊഴിലുടമ അനുമതി നൽകിയിരുന്നില്ലെന്നും അവർ ഉദ്യോഗസ്ഥരോട് പറഞ്ഞു. മേഖലയിലെ യുദ്ധസമാനമായ സാഹചര്യങ്ങൾ അവരുടെ സാമ്പത്തിക സ്ഥിതിയെയും ബാധിച്ചിരുന്നു.
ഹസ്തയുടെ കുടിശ്ശികയുള്ള ശമ്പളവും സേവനാനന്തര ആനുകൂല്യങ്ങളും വിസ പിഴയും ഉൾപ്പെടെയുള്ള തുകകൾ ഉടൻ തീർപ്പാക്കാൻ കോൺസുലേറ്റ് കമ്പനിയോട് നിർദ്ദേശിച്ചു. ഹസ്തയ്ക്ക് നാട്ടിലേക്ക് മടങ്ങാനുള്ള ടിക്കറ്റ് നൽകാനും അവർ തയ്യാറായി. എന്നാൽ നാട്ടിലെത്തിയ ശേഷം കൈവശം പണമൊന്നുമില്ലാത്ത അവസ്ഥയിലായിരുന്നു അവർ. ഇതോടെ ‘ഇന്ത്യൻ കമ്മ്യൂണിറ്റി വെൽഫെയർ ഫണ്ട്’ ഉപയോഗിച്ച് കോൺസുലേറ്റ് അവർക്ക് ടിക്കറ്റും യാത്രാ സൗകര്യങ്ങളും ഒരുക്കി. ഇപ്പോൾ ഹസ്ത തന്റെ പ്രിയപ്പെട്ട മക്കൾക്കരികിലേക്ക് മടങ്ങിയിരിക്കുകയാണ്.
Story Summary
After five years of separation and silence, Hasta Mahananda, an Odisha native stranded in the UAE, has been successfully reunited with her daughters thanks to the persistent efforts of the Indian Consulate in Dubai. Following her appeal for help, consular officials traced her records, secured her salary and travel dues from her employer, and utilized the Indian Community Welfare Fund to ensure her safe return home.
