റോത്തക്: ഡൽഹി ജന്തർ മന്തറിൽ നടന്ന പ്രതിഷേധ പരിപാടിയിൽ പങ്കെടുത്തതിന് പിന്നാലെ ഹരിയാനയിൽ സർക്കാർ സ്കൂൾ അധ്യാപികയ്ക്ക് സസ്പെൻഷൻ. റോത്തക്കിലെ ഗസ്റ്റ് അധ്യാപിക സുലേഖ ദലാലിനെയാണ് സർവീസിൽ നിന്ന് സസ്പെൻഡ് ചെയ്തത്.(Haryana Guest Teacher Suspended After Attending Protest In Delhi)
കഴിഞ്ഞയാഴ്ച ഡൽഹി ജന്തർ മന്തറിൽ ‘കോക്രോച്ച് ജനതാ പാർട്ടി’ സംഘടിപ്പിച്ച പ്രതിഷേധ പരിപാടിയിൽ സുലേഖ ദലാൽ പങ്കെടുത്തിരുന്നു. ഇതിന് ഏതാനും ദിവസങ്ങൾക്ക് ശേഷമാണ് നടപടി.
ജൂൺ എട്ടാം തീയതി മുതൽ പ്രാബല്യത്തിൽ വരുന്ന രീതിയിൽ ബുധനാഴ്ചയാണ് റോത്തക് ജില്ലാ എലമെന്ററി വിദ്യാഭ്യാസ ഓഫീസർ സസ്പെൻഷൻ ഉത്തരവ് പുറപ്പെടുവിച്ചത്. എന്നാൽ, സസ്പെൻഷനുള്ള കൃത്യമായ കാരണം ഉത്തരവിൽ വ്യക്തമാക്കിയിട്ടില്ല.
Story Summary
A guest teacher in Rohtak, Haryana, has been suspended following her participation in a recent protest organized by the Cockroach Janta Party at Jantar Mantar, Delhi. While the official order issued by the district education authorities confirms her suspension, it notably omits the specific reason for the disciplinary action.
