ന്യൂഡൽഹി: സിബിഎസ്ഇ ഒൻപതാം ക്ലാസ് വിദ്യാർത്ഥികൾക്കായി നിർബന്ധമാക്കിയ മൂന്ന് ഭാഷാ നയം അധ്യയന വർഷത്തിനിടയിൽ നടപ്പിലാക്കരുതെന്ന് മുതിർന്ന കോൺഗ്രസ് നേതാവും പാർലമെന്ററി സ്റ്റാൻഡിംഗ് കമ്മിറ്റി ചെയർമാനുമായ ദിഗ്വിജയ സിംഗ്. ഇക്കാര്യം ആവശ്യപ്പെട്ട് അദ്ദേഹം പ്രധാനമന്ത്രി നരേന്ദ്ര മോദിക്ക് കത്തയച്ചു.(Digvijaya Singh Urges PM Modi To Put CBSE Three Language Policy On Hold)
ആവശ്യത്തിന് അധ്യാപകരോ പാഠപുസ്തകങ്ങളോ ഇല്ലാതെ അധ്യയന വർഷം തുടങ്ങിയ ശേഷം പെട്ടെന്ന് ഇത്തരമൊരു നയം അടിച്ചേൽപ്പിക്കുന്നത് വിദ്യാർത്ഥികളുടെ പഠനത്തെ സാരമായി ബാധിക്കുമെന്ന് ദിഗ്വിജയ സിംഗ് കത്തിൽ ചൂണ്ടിക്കാട്ടി. മുൻപ് സിബിഎസ്ഇയുടെ ‘ഓൺ-സ്ക്രീൻ മാർക്കിംഗ്’ സംവിധാനം തിരക്കിട്ട് നടപ്പിലാക്കിയപ്പോൾ ഉണ്ടായതുപോലെയുള്ള വലിയ ആശയക്കുഴപ്പങ്ങൾക്കും പ്രതിസന്ധികൾക്കും ഈ തീരുമാനവും വഴിവെക്കുമെന്ന് അദ്ദേഹം മുന്നറിയിപ്പ് നൽകുന്നു.
സിബിഎസ്ഇ ഒൻപതാം ക്ലാസ് വിദ്യാർത്ഥികളുടെ രക്ഷിതാക്കളിൽ നിന്ന് ലഭിച്ച പരാതികൾ മുന്നിർത്തിയാണ് അദ്ദേഹം പ്രധാനമന്ത്രിക്ക് കത്ത് നൽകിയിരിക്കുന്നത്. വിദ്യാഭ്യാസരംഗത്തെ ഇത്തരം സുപ്രധാന മാറ്റങ്ങൾ നടപ്പിലാക്കുമ്പോൾ ആവശ്യമായ തയ്യാറെടുപ്പുകളും സാവകാശവും നൽകേണ്ടതുണ്ടെന്നും അദ്ദേഹം ഓർമ്മിപ്പിക്കുന്നു.
Story Summary
Senior Congress leader Digvijaya Singh has written to Prime Minister Narendra Modi, urging him to halt the mid-session implementation of the mandatory three-language policy for Class IX students by the CBSE. Singh emphasized that the lack of adequate preparation, teachers, and textbooks could lead to significant academic disruption.
