ന്യൂഡൽഹി: വടക്കൻ ഡൽഹിയിലെ മുകുന്ദ്പൂരിൽ തുറന്നുകിടന്ന ഓടയിൽ വീണ് കുട്ടി മരിച്ചു. സംഭവത്തിൽ കടുത്ത അതൃപ്തി രേഖപ്പെടുത്തിയ ഡൽഹി സർക്കാർ, ജലസേചന-പ്രളയ നിയന്ത്രണ വകുപ്പിലെ ജൂനിയർ എഞ്ചിനീയറെ അടിയന്തരമായി ജോലിയിൽ നിന്ന് പുറത്താക്കി (Delhi child falls in drain). ഭൽസ്വ ഡയറി പരിധിയിലുള്ള മുകുന്ദ്പൂരിലാണ് നാടിനെ നടുക്കിയ ഈ ദുരന്തമുണ്ടായത്.
സംഭവം അങ്ങേയറ്റം ദൗർഭാഗ്യകരവും ആശങ്കാജനകവുമാണെന്ന് ഡൽഹി മുഖ്യമന്ത്രി രേഖ ഗുപ്ത പറഞ്ഞു. പൊതുജനങ്ങളുടെയും പ്രത്യേകിച്ച് കുട്ടികളുടെയും സുരക്ഷയുടെ കാര്യത്തിൽ ഒരുതരത്തിലുള്ള വിട്ടുവീഴ്ചയും അനുവദിക്കില്ലെന്ന് അവർ മുന്നറിയിപ്പ് നൽകി. “ഇത്തരത്തിലുള്ള വീഴ്ചകൾ ഒരു സാഹചര്യത്തിലും അംഗീകരിക്കാനാവില്ല. ഉത്തരവാദിത്തപ്പെട്ടവർക്കെതിരെ കർശന നടപടി സ്വീകരിക്കും,” മുഖ്യമന്ത്രി വ്യക്തമാക്കി.
കൃത്യവിലോപം നടത്തിയ കരാർ എഞ്ചിനീയറെ സംഭവത്തിന് പിന്നാലെ പിരിച്ചുവിട്ടു. ഡൽഹിയിലെമ്പാടുമുള്ള തുറന്ന ഓടകളും അപകടസാധ്യതയുള്ള ഇടങ്ങളും കണ്ടെത്തി അടിയന്തരമായി പരിഹരിക്കാൻ എല്ലാ വകുപ്പുകൾക്കും നിർദ്ദേശം നൽകി. സംഭവത്തിൽ വിശദമായ അന്വേഷണത്തിനും കുറ്റക്കാർക്കെതിരെ ശിക്ഷാ നടപടികൾക്കും മുഖ്യമന്ത്രി ഉത്തരവിട്ടു. മുകുന്ദ്പൂരിലെ ഈ ദുരന്തം ഡൽഹിയിലെ ഓടകളുടെ അറ്റകുറ്റപ്പണികളിലെ പോരായ്മകൾ വീണ്ടും ചർച്ചയാക്കിയിരിക്കുകയാണ്. സമാനമായ അപകടങ്ങൾ മുൻപും നഗരത്തിൽ റിപ്പോർട്ട് ചെയ്യപ്പെട്ടിട്ടുണ്ട്. ജനങ്ങളുടെ പരാതികൾ യഥാസമയം പരിഗണിക്കാത്തതാണ് ഇത്തരം അപകടങ്ങൾക്ക് കാരണമെന്ന് നാട്ടുകാർ ആരോപിക്കുന്നു.
Summary: A child died after falling into an open drain in Mukundpur, North Delhi. Following the tragic incident, the Irrigation and Flood Control Department dismissed a Junior Engineer for negligence. Delhi CM Rekha Gupta expressed deep sorrow and warned of strict action against lapses in public safety. Authorities have ordered a citywide safety check to identify and cover open drains immediately.
