മധ്യപ്രദേശിലെ ഛത്തർപൂരിൽ പാചകവാതക (LPG) സിലിണ്ടർ ചോർന്നുണ്ടായ വൻ തീപിടിത്തത്തിൽ മൂന്ന് സഹോദരിമാർക്ക് ഗുരുതരമായി പൊള്ളലേറ്റു (Chhatarpur Fire Accident). ഛത്തർപൂർ നഗര പരിധിയിലെ ഹനുമാൻ ടോറിയ മേഖലയിലാണ് ദരുണമായ ഈ സംഭവം നടന്നത്. സിലിണ്ടർ ചോർന്നതിനെ തുടർന്ന് അടുക്കളയിൽ പടർന്നുപിടിച്ച തീ പെട്ടെന്ന് വീടുമുഴുവൻ വ്യാപിക്കുകയായിരുന്നു.
ഗുരുതരമായി പരിക്കേറ്റ സഹോദരിമാരെ ഉടൻ തന്നെ ജില്ലാ ആശുപത്രിയിൽ പ്രവേശിപ്പിച്ചു. എന്നാൽ ഇവരുടെ നില വിയർപ്പായതിനെ തുടർന്ന് വിദഗ്ദ്ധ ചികിത്സയ്ക്കായി പിന്നീട് ഗ്വാളിയോറിലെ മെഡിക്കൽ കോളേജിലേക്ക് മാറ്റി. സംഭവസമയത്ത് പെൺകുട്ടികളുടെ മാതാപിതാക്കൾ വീട്ടിൽ ഉണ്ടായിരുന്നില്ല. അമ്മ ക്ഷേത്രത്തിൽ പോയ സമയത്താണ് അപകടമുണ്ടായത്.
തീപിടിത്തം ശ്രദ്ധയിൽപ്പെട്ട ഉടൻ തന്നെ അയൽവാസികൾ ഓടിയെത്തി രക്ഷാപ്രവർത്തനം ആരംഭിക്കുകയും പോലീസിനെയും അഗ്നിശമന സേനയെയും വിവരമറിയിക്കുകയും ചെയ്തു. ഫയർഫോഴ്സ് സ്ഥലത്തെത്തിയാണ് തീ പൂർണ്ണമായും നിയന്ത്രണവിധേയമാക്കിയത്. അപകടത്തിൽ വീട്ടുപകരണങ്ങളും മറ്റ് സാധനങ്ങളും പൂർണ്ണമായി കത്തിനശിച്ചു. സംഭവത്തിൽ സിറ്റി കോട്വാലി പോലീസ് അന്വേഷണം ആരംഭിച്ചിട്ടുണ്ട്.
Story Summary:
Three sisters were critically injured after a massive fire broke out due to an LPG cylinder leakage in the Chhatarpur district of Madhya Pradesh. The victims were shifted to a medical college in Gwalior for advanced treatment as their conditions remain critical.
