രാഘവ് ഛദ്ദയുടെ Z പ്ലസ് കാറ്റഗറി സുരക്ഷ പിൻവലിച്ച് പഞ്ചാബ് സർക്കാർ: സുരക്ഷ അനുവദിച്ച് കേന്ദ്രം | Raghav Chadha

ന്യൂഡൽഹി: ആം ആദ്മി പാർട്ടി രാജ്യസഭാ എംപി രാഘവ് ചദ്ദയ്ക്ക് കേന്ദ്ര ആഭ്യന്തര മന്ത്രാലയം ‘ഇസഡ്’ കാറ്റഗറി സുരക്ഷ അനുവദിച്ചു. രഹസ്യാന്വേഷണ വിഭാഗത്തിന്റെ ഭീഷണി വിലയിരുത്തൽ റിപ്പോർട്ടിന്റെ അടിസ്ഥാനത്തിലാണ് നടപടി. ഡൽഹിയിലും പഞ്ചാബിലും അദ്ദേഹത്തിന് അർദ്ധസൈനിക വിഭാഗത്തിന്റെ സുരക്ഷാ പരിരക്ഷ ലഭിക്കും.(Centre gives Z security to Raghav Chadha after Punjab removes his Z+ cover)

കേന്ദ്ര സുരക്ഷാ ക്രമീകരണങ്ങൾ പൂർത്തിയാകുന്നത് വരെ രാഘവ് ചദ്ദയ്ക്ക് അടിയന്തര സുരക്ഷ നൽകാൻ ഡൽഹി പോലീസിന് നിർദ്ദേശം നൽകിയിട്ടുണ്ട്. പഞ്ചാബ് സർക്കാർ ചദ്ദയ്ക്ക് നൽകിയിരുന്ന ‘ഇസഡ് പ്ലസ്’ (Z+) സുരക്ഷ കഴിഞ്ഞ ആഴ്ച പിൻവലിച്ചിരുന്നു. പാർട്ടി നേതൃത്വവുമായി ചദ്ദ അകൽച്ചയിലാണെന്ന റിപ്പോർട്ടുകൾക്കിടെയായിരുന്നു സംസ്ഥാന സർക്കാരിന്റെ ഈ നടപടി.

സംസ്ഥാന സുരക്ഷ പിൻവലിച്ചതിന് തൊട്ടുപിന്നാലെ കേന്ദ്ര സർക്കാർ സുരക്ഷ അനുവദിച്ചത് രാഷ്ട്രീയ വൃത്തങ്ങളിൽ വലിയ ചർച്ചയായിട്ടുണ്ട്. രാജ്യസഭയിലെ എഎപി ഉപനേതാവ് സ്ഥാനത്ത് നിന്ന് രാഘവ് ചദ്ദയെ മാറ്റിയതോടെയാണ് പാർട്ടി നേതൃത്വവുമായുള്ള ഭിന്നത പരസ്യമായത്.