കൊൽക്കത്ത : പശ്ചിമ ബംഗാളിൽ ഏകവ്യക്തി നിയമം (UCC) നടപ്പിലാക്കാനുള്ള നിർണ്ണായക നീക്കവുമായി ബിജെപി സർക്കാർ. തെരഞ്ഞെടുപ്പ് പ്രകടനപത്രികയിലെ പ്രധാന വാഗ്ദാനങ്ങളിലൊന്നായ ഏകവ്യക്തി നിയമം സംബന്ധിച്ച ബിൽ ഇന്ന് നിയമസഭയിൽ അവതരിപ്പിക്കുമെന്നാണ് സൂചന.(BJP government set to introduce Uniform Civil Code Bill in West Bengal Assembly)
സംസ്ഥാനത്ത് അടുത്തിടെ നടന്ന നിയമസഭാ തെരഞ്ഞെടുപ്പിൽ വൻ ഭൂരിപക്ഷത്തോടെ അധികാരത്തിലെത്തിയ ബിജെപി സർക്കാർ, ഉത്തരാഖണ്ഡ്, ഗുജറാത്ത്, അസം തുടങ്ങിയ സംസ്ഥാനങ്ങളുടെ മാതൃക പിന്തുടർന്നാണ് ഈ നിയമപരിഷ്കാരത്തിന് ഒരുങ്ങുന്നത്. വിവാഹം, വിവാഹമോചനം, സ്വത്തവകാശം, ദത്തെടുക്കൽ തുടങ്ങിയ വ്യക്തിനിയമങ്ങൾ മതാടിസ്ഥാനത്തിൽ വ്യത്യസ്തമായി നടപ്പിലാക്കുന്ന നിലവിലെ സംവിധാനത്തിന് പകരം, എല്ലാ പൗരന്മാർക്കും ബാധകമായ പൊതുവായ ഒരു നിയമസംഹിത കൊണ്ടുവരികയാണ് യുസിസിയിലൂടെ ലക്ഷ്യമിടുന്നത്.
മുഖ്യമന്ത്രി സുവേന്ദു അധികാരിയുടെ നേതൃത്വത്തിലുള്ള സർക്കാർ, നിയമപരമായ നടപടിക്രമങ്ങൾ പൂർത്തിയാക്കി ബിൽ പാസാക്കാനാണ് ശ്രമിക്കുന്നത്. പ്രതിപക്ഷത്തുള്ള തൃണമൂൽ കോൺഗ്രസ് ഈ ബില്ലിനെതിരെ ശക്തമായ പ്രതിഷേധത്തിന് തയാറെടുക്കുന്നതായാണ് റിപ്പോർട്ടുകൾ. അതേസമയം, ഗോത്രവർഗ വിഭാഗങ്ങളുടെ ആചാരങ്ങളും പ്രത്യേക അവകാശങ്ങളും സംരക്ഷിക്കുമെന്നും സർക്കാർ വൃത്തങ്ങൾ വ്യക്തമാക്കിയിട്ടുണ്ട്.
Story Summary
The BJP government in West Bengal is set to introduce the Uniform Civil Code (UCC) Bill in the legislative assembly, fulfilling a key pre-election promise. The move, aimed at establishing a common legal framework for all citizens, is expected to trigger significant political debate between the ruling party and the opposition.
