ബദരീനാഥ്: അയോദ്ധ്യ രാമക്ഷേത്രത്തിന് പിന്നാലെ ബദരീനാഥ് ധാമിലെ വഴിപാട് തുകയിൽ സാമ്പത്തിക ക്രമക്കേട് നടന്നതായി ഉയർന്ന ആരോപണങ്ങളെത്തുടർന്ന് ബി.കെ.ടി.സി അന്വേഷണം പ്രഖ്യാപിച്ചു. ഇതുമായി ബന്ധപ്പെട്ട ഔദ്യോഗിക ഉത്തരവ് പുറത്തിറങ്ങി.(Badrinath Dham embezzlement, BKTC orders inquiry into embezzlement allegations)
സമൂഹമാധ്യമങ്ങളിൽ പ്രചരിക്കുന്ന ആരോപണങ്ങൾ അതീവ ഗൗരവത്തോടെയാണ് കാണുന്നതെന്ന് ബി.കെ.ടി.സി പ്രസിഡന്റ് ഹേമന്ത് ദ്വിവേദി വ്യക്തമാക്കി. വിഷയത്തിൽ അടിയന്തരമായി അന്വേഷണം നടത്തുന്നതിനായി പ്രത്യേക സമിതിയെ നിയോഗിച്ചിട്ടുണ്ട്. ആരോപണവിധേയരായ ജീവനക്കാരിൽ നിന്ന് വിശദീകരണം തേടിയിട്ടുണ്ടെന്നും അദ്ദേഹം അറിയിച്ചു.
സോഷ്യൽ മീഡിയയിൽ പ്രചരിക്കുന്നതുപോലെ ആരോപണവിധേയനായ ജീവനക്കാരൻ തന്റെ ‘പേഴ്സണൽ സെക്രട്ടറി’യല്ലെന്നും, ബി.കെ.ടി.സിയിലെ ഒരു സാധാരണ സർക്കാർ ജീവനക്കാരൻ മാത്രമാണെന്നും ഹേമന്ത് ദ്വിവേദി വിശദീകരിച്ചു. അന്വേഷണത്തിൽ കുറ്റക്കാരെന്ന് കണ്ടെത്തുന്നവർക്കെതിരെ വിട്ടുവീഴ്ചയില്ലാത്ത നടപടിയുണ്ടാകുമെന്ന് അദ്ദേഹം വ്യക്തമാക്കി. തെളിവുകൾ, സിസിടിവി ദൃശ്യങ്ങൾ, ബന്ധപ്പെട്ടവരുടെ മൊഴികൾ എന്നിവ അടിസ്ഥാനമാക്കിയാകും അന്വേഷണ സമിതി റിപ്പോർട്ട് സമർപ്പിക്കുക.
Story Summary
Following allegations of embezzlement regarding offerings at Badrinath Dham—surfaced amidst wider concerns over donations to the Ayodhya Ram temple—the Badrinath-Kedarnath Temple Committee (BKTC) has ordered a formal inquiry. BKTC President Hemant Dwivedi confirmed that the committee is taking the social media allegations seriously, has sought explanations from the concerned employees, and has promised strict action against any guilty parties.
