ന്യൂഡൽഹി: കള്ളപ്പണം വെളുപ്പിക്കൽ കേസിൽ എൻഫോഴ്സ്മെന്റ് ഡയറക്ടറേറ്റ് അറസ്റ്റ് ചെയ്ത ദീപക് സിംഗ്ലയ്ക്ക് പൂർണ്ണ പിന്തുണയുമായി അരവിന്ദ് കെജ്രിവാൾ. ബി.ജെ.പിയിൽ ചേരാനുള്ള സമ്മർദ്ദങ്ങൾക്ക് വഴങ്ങാത്തതിന്റെ പ്രതികാര നടപടിയാണ് സിംഗ്ല ഇപ്പോൾ നേരിടുന്നതെന്ന് കെജ്രിവാൾ ആരോപിച്ചു.(Arvind Kejriwal Defends AAP Leader Deepak Singla After ED Arrest)
ഡൽഹിയിലും ഗോവയിലും ഇ.ഡി നടത്തിയ വ്യാപക റെയ്ഡുകൾക്ക് പിന്നാലെ, കേസിനാസ്പദമായ നിർണ്ണായക രേഖകൾ കണ്ടെടുത്തതായി അവകാശപ്പെട്ടാണ് കേന്ദ്ര ഏജൻസി ദീപക് സിംഗ്ലയെ അറസ്റ്റ് ചെയ്തത്. എന്നാൽ ഈ നടപടിയെ രാഷ്ട്രീയ പ്രേരിതമെന്നാണ് എ.എ.പി നേതൃത്വം വിശേഷിപ്പിച്ചത്.
ദീപക് സിംഗ്ല എന്തെങ്കിലും തെറ്റ് ചെയ്തതുകൊണ്ടല്ല അറസ്റ്റ് ചെയ്യപ്പെട്ടത്. മറിച്ച്, അദ്ദേഹം ബി.ജെ.പിക്കെതിരെ പ്രവർത്തിച്ചതിനാലും അവരോടൊപ്പം ചേരാൻ വിസമ്മതിച്ചതിനാലുമാണ് ഇ.ഡി അദ്ദേഹത്തെ പിടികൂടിയത്. ദീപക് ഭീരുവല്ല, രാജ്യത്തിന് വേണ്ടി ധീരമായി പോരാടുന്ന വ്യക്തിയാണ്, എക്സ് പ്ലാറ്റ്ഫോമിൽ പങ്കുവെച്ച കുറിപ്പിൽ കെജ്രിവാൾ വ്യക്തമാക്കി.
Story Summary
AAP chief Arvind Kejriwal strongly defended party leader Deepak Singla following his arrest by the Enforcement Directorate (ED) in an alleged money laundering case. Kejriwal claimed that Singla did no wrong and was targeted solely because he refused to join the BJP and continued to work against them. The ED made the arrest following searches in Delhi and Goa, which they claim led to the recovery of incriminating documents.
