അലിഗഡ്: അലിഗഡ് മുസ്ലീം സർവകലാശാലയിലെ വിദ്യാർത്ഥി യൂണിയൻ തിരഞ്ഞെടുപ്പുമായി ബന്ധപ്പെട്ട് ഒരു ആഫ്രിക്കൻ വിദ്യാർത്ഥി നടത്തിയ പ്രസംഗം സോഷ്യൽ മീഡിയയിൽ വൈറലാകുന്നു (African Student Hindi Speech AMU). നദീം തരിൻ ഹാൾ പ്രതിനിധി സ്ഥാനത്തേക്ക് മത്സരിക്കുന്ന അയ്യൂബ എന്ന വിദ്യാർത്ഥിയാണ് തന്റെ രസകരമായ വാഗ്ദാനങ്ങളിലൂടെയും മനോഹരമായ ഹിന്ദി പ്രസംഗത്തിലൂടെയും കൈയടി നേടുന്നത്.
ഹോസ്റ്റലിൽ നിന്ന് കോളേജിലേക്കുള്ള ദൂരം കുറയ്ക്കാൻ മെട്രോ ട്രെയിൻ സൗകര്യം ഏർപ്പെടുത്തുമെന്നതാണ് ഏറ്റവും രസകരമായ വാഗ്ദാനം. താൻ വിജയിച്ചാൽ എല്ലാവർക്കും മൂന്ന് നേരം ചായ ഉറപ്പാക്കുമെന്ന് അയ്യൂബ പ്രഖ്യാപിച്ചു. ഹോസ്റ്റലിൽ എയർ കണ്ടീഷണറുകൾ, നീന്തൽക്കുളം, എല്ലാ നിലകളിലും വാഷിംഗ് മെഷീനുകൾ എന്നിവ സ്ഥാപിക്കുമെന്നും അദ്ദേഹം വാഗ്ദാനം നൽകി.
View this post on Instagram
“ഞാൻ കള്ളം പറയില്ല, എല്ലാവർക്കും എസി നൽകും, എൻടി ഹാളിൽ സ്വിമ്മിംഗ് പൂൾ നിർമ്മിക്കും,” എന്ന് അയ്യൂബ ഹിന്ദിയിൽ പറഞ്ഞപ്പോൾ വലിയ ആവേശത്തോടെയാണ് വിദ്യാർത്ഥികൾ സ്വീകരിച്ചത്. അയ്യൂബയുടെ ആത്മവിശ്വാസത്തെയും ഹാസ്യബോധത്തെയും പ്രശംസിച്ച് നിരവധി പേർ രംഗത്തെത്തി. രാഷ്ട്രീയക്കാരുടെ വലിയ വാഗ്ദാനങ്ങളെ പരിഹസിക്കുന്ന രീതിയിലുള്ള അയ്യൂബയുടെ പ്രസംഗം ഇതിനോടകം ദശലക്ഷക്കണക്കിന് ആളുകളാണ് കണ്ടത്.
Summary: Ayyuba, an African student contesting for a representative post at Aligarh Muslim University (AMU), has gone viral for his high-energy campaign speech in fluent Hindi. His ambitious and humorous promises, including a Metro service from the hostel to college, air conditioning, a swimming pool, and tea three times a day, won over the crowd at Nadeem Tarin Hall. Social media users praised his integration into AMU culture, with many jokingly comparing his grand manifesto to those of seasoned politicians.
