ആസാമിലെ ഖോഖറജാറിൽ വൻ മയക്കുമരുന്ന് വേട്ട
Sep 23, 2022, 08:52 IST
കോൽക്കത്ത: ആസാമിലെ ഖോഖറജാറിൽ വൻ മയക്കുമരുന്ന് വേട്ട. 1483 കിലോഗ്രാം കഞ്ചാവ് ആണ് ആസാം പോലീസ് നടത്തിയ പരിശോധനയിൽ കണ്ടെത്തിയത്. പോലീസിന് ലഭിച്ച രഹസ്യവിവരമനുസരിച്ച് വ്യാഴാഴ്ച ഖോഖറജാർ മേഖലയിൽ നടത്തിയ തെരച്ചിലിലാണ് മയക്കുമരുന്ന് ശേഖരം പിടികൂടിയത്. സംഭവത്തിൽ ഒരാൾ അറസ്റ്റിലായതായും വിശദമായ അന്വേഷണം ആരംഭിച്ചതായും പോലീസ് അറിയിച്ചു. ചരക്കുലോറിയിലെ രഹസ്യ അറയിൽ ഒളിപ്പിച്ച നിലയിലാണ് 270 പാക്കറ്റ് കഞ്ചാവ് കണ്ടെത്തിയത്.