കൊച്ചി: പ്രമുഖ സ്മാർട്ട്ഫോൺ നിർമ്മാതാക്കളായ ഷവോമി ഇന്ത്യ തങ്ങളുടെ ഏറ്റവും പുതിയ ഫ്ലാഗ്ഷിപ്പ് സ്മാർട്ട്ഫോണായ ‘ഷവോമി 17ടി’ (Xiaomi 17T) ഇന്ത്യൻ വിപണിയിൽ ഔദ്യോഗികമായി പുറത്തിറക്കി (Xiaomi 17T price in India). ആഗോള ക്യാമറ ബ്രാൻഡായ ലൈക്കയുടെ (Leica) സഹകരണത്തോടെ വികസിപ്പിച്ചെടുത്ത അത്യാധുനിക ഇമേജിംഗ് സാങ്കേതികവിദ്യ, മികച്ച ഡിസ്പ്ലേ, കരുത്തുറ്റ പ്രകടനം, ദീർഘകാല ബാറ്ററി ലൈഫ് എന്നിവ സമന്വയിപ്പിച്ചുകൊണ്ടുള്ള ഒരു പ്രീമിയം അനുഭവം ഈ ഉപകരണം ഉപഭോക്താക്കൾക്ക് സമ്മാനിക്കുന്നു.
ഷവോമി 17ടിയുടെ ഏറ്റവും വലിയ സവിശേഷത അതിന്റെ ലൈക്ക പവേർഡ് ട്രിപ്പിൾ ക്യാമറ സിസ്റ്റമാണ്. 50 മെഗാപിക്സൽ പ്രധാന ക്യാമറയ്ക്കൊപ്പം, ഷവോമി ടി സീരീസിൽ ആദ്യമായി അവതരിപ്പിക്കുന്ന ലൈക്ക 5എക്സ് (5x) പെരിസ്കോപ്പ് ടെലിഫോട്ടോ ക്യാമറയും ഈ ഫോണിൽ ഉൾപ്പെടുത്തിയിട്ടുണ്ട്. മികച്ച ചിത്രങ്ങളും വീഡിയോകളും പകർത്താൻ ഈ ക്യാമറ സംവിധാനം സഹായിക്കും. കാഴ്ചക്കാരുടെ കണ്ണിന്റെ സുരക്ഷ ഉറപ്പാക്കുന്നതിനായി ‘ഷവോമി വിഷൻ കെയർ’ എന്ന അത്യാധുനിക ഐകെയർ സിസ്റ്റവും ഫോണിലുണ്ട്. ഇത് ചുറ്റുപാടുകൾക്ക് അനുസൃതമായി ബ്ലൂ ലൈറ്റ്, ഫ്ലിക്കർ എന്നിവ നിയന്ത്രിക്കുകയും കണ്ണിന്റെ ക്ഷീണം കുറയ്ക്കുകയും ചെയ്യുന്നു. ഈ ഡിസ്പ്ലേയ്ക്ക് പ്രശസ്തമായ ടിയുവി റീൻലാൻഡ് (TUV Rheinland) ഇന്റലിജന്റ് ഐ കെയർ സർട്ടിഫിക്കേഷനും ലഭിച്ചിട്ടുണ്ട്.
ദിവസം മുഴുവൻ നീണ്ടുനിൽക്കുന്ന മികച്ച ബാക്കപ്പ് നൽകാനായി 6500 എംഎഎച്ച് (mAh) ശേഷിയുള്ള വലിയ സിലിക്കൺ കാർബൺ ബാറ്ററിയാണ് ഷവോമി 17ടിയിൽ ക്രമീകരിച്ചിരിക്കുന്നത്. വേഗത്തിലുള്ള ചാര്ജിങ് സാധ്യമാക്കുന്നതിനായി 67 വാട്ട് (W) ഹൈപ്പർ ചാർജ് പിന്തുണയും ഇതിലുണ്ട്.
വയലറ്റ്, ബ്ലൂ, ബ്ലാക്ക് എന്നീ മൂന്ന് ആകർഷകമായ നിറങ്ങളിൽ ലഭ്യമാകുന്ന ഷവോമി 17ടി രണ്ട് സ്റ്റോറേജ് വേരിയന്റുകളിലാണ് വിപണിയിലെത്തുന്നത്. 12ജിബി റാം + 256ജിബി സ്റ്റോറേജ് പതിപ്പിന് 59,999 രൂപയും, 12ജിബി റാം + 512ജിബി സ്റ്റോറേജ് പതിപ്പിന് 64,999 രൂപയുമാണ് ഇന്ത്യയിലെ വില.
Story Summary: Xiaomi India has launched its new flagship smartphone, the Xiaomi 17T, in India. Developed in collaboration with Leica, the phone features a 50MP triple camera setup with a 5x periscope telephoto lens, a TUV Rheinland certified Xiaomi Vision Care display, a massive 6500mAh silicon-carbon battery with 67W fast charging, and is priced starting from ₹59,999.
