വയനാട് :കള്ളാടിയിലുണ്ടായ വൻ മണ്ണിടിച്ചിലിൽ മരിച്ചവരുടെ എണ്ണം ഏഴായി ഉയർന്നു. ദുരന്തമേഖലയിൽ നാലാം ദിവസവും തുടരുന്ന തെരച്ചിലിൽ പുഴയിൽ നിന്നാണ് ഇന്ന് ഒരാളുടെ മൃതദേഹം കൂടി കണ്ടെടുത്തത്. ഇനി അപകടത്തിൽപ്പെട്ട ഒരാളെക്കൂടി മാത്രമാണ് കണ്ടെത്താനുള്ളത്.(Wayanad Kalladi Landslide Death Toll Rises To Seven One More Body Recovered From River)
മൂന്ന് പേരുടെ മൃതദേഹങ്ങൾ ഇന്നലെ നടത്തിയ തെരച്ചിലിൽ കണ്ടെടുത്തിരുന്നു. കള്ളാടി-ആനക്കാംപൊയിൽ തുരങ്കപാത നിർമ്മാണം നടത്തുന്ന കരാർ കമ്പനിയിലെ തൊഴിലാളികളാണ് ദുരന്തത്തിൽപ്പെട്ടത്. അപകടത്തിൽ പരിക്കേറ്റ ഏഴുപേർ വിവിധ ആശുപത്രികളിൽ ചികിത്സയിൽ തുടരുകയാണ്. ഇതിൽ രണ്ടുപേരുടെ നില അതീവ ഗുരുതരമായി തുടരുന്നു.
മന്ത്രിമാരായ എ.പി. അനിൽകുമാർ, അഡ്വ. ടി. സിദ്ദീഖ് എന്നിവർ പ്രദേശത്ത് ക്യാമ്പ് ചെയ്ത് തെരച്ചിൽ പ്രവർത്തനങ്ങൾക്ക് നേരിട്ട് നേതൃത്വം നൽകുന്നുണ്ട്. പദ്ധതിയുടെ മേൽനോട്ട ചുമതലയുള്ള കൊങ്കൺ റെയിൽ കോർപറേഷൻ ഉദ്യോഗസ്ഥർ ഇന്ന് ദുരന്തബാധിത പ്രദേശം സന്ദർശിക്കും. അതിനിടെ, അപകടവുമായി ബന്ധപ്പെട്ട വസ്തുതാന്വേഷണ റിപ്പോർട്ട് സർക്കാർ ഇന്ന് ഹൈക്കോടതിയിൽ സമർപ്പിക്കും. പ്രത്യേക വിദഗ്ധ സമിതിയെ സർക്കാർ ഇന്ന് പ്രഖ്യാപിച്ചേക്കുമെന്നാണ് സൂചന.
Story Summary
The death toll in the Wayanad Kalladi landslide has risen to seven after one more body was recovered from the river on the fourth day of search operations. Seven injured workers from the tunnel construction company are undergoing treatment, with two in critical condition, while authorities prepare to submit a fact-finding report to the High Court today.
