തിരുവനന്തപുരം : നെയ്യാറ്റിൻകര ദേവസ്വം അസിസ്റ്റന്റ് കമ്മീഷണറുടെ കീഴിലുള്ള ഇരുപതിലധികം ക്ഷേത്രങ്ങളിലെ അമൂല്യമായ തിരുവാഭരണങ്ങൾ നഷ്ടപ്പെട്ടതായി കണ്ടെത്തൽ. പാറശ്ശാല മഹാദേവ ക്ഷേത്രത്തിലെ സുരക്ഷിത ലോക്കറിൽ സൂക്ഷിച്ചിരുന്ന സ്വർണ്ണാഭരണങ്ങളും വെള്ളി ആഭരണങ്ങളും സ്വർണ്ണക്കട്ടകളുമാണ് ദുരൂഹസാഹചര്യത്തിൽ കാണാതായത്.(Valuable Temple Ornaments Reported Missing From Neyyattinkara Devaswom Locker)
തിരുവാഭരണ കമ്മീഷണർ നടത്തിയ വാർഷിക പരിശോധനയിലാണ് തിരുവാഭരണങ്ങൾ നഷ്ടപ്പെട്ടതായി കണ്ടെത്തിയത്. ഇത് സംബന്ധിച്ച പരിശോധനാ റിപ്പോർട്ട് മെയ് 23-ന് തയ്യാറാക്കുകയും, തുടർനടപടികൾക്കായി ദേവസ്വം അസിസ്റ്റന്റ് കമ്മീഷണർക്ക് കൈമാറുകയുമായിരുന്നു.
അരവല്ലൂർ, നെയ്യാറ്റിൻകര, കാളേശ്വരം, ചെഴുങ്ങാന്നൂർ, പാറശ്ശാല, മുര്യങ്കര തുടങ്ങി ഇരുപതിലധികം ക്ഷേത്രങ്ങളുടെ ഉടമസ്ഥതയിലുള്ളതാണ് നഷ്ടപ്പെട്ട ഈ ആഭരണങ്ങൾ. എന്നാൽ, ഇവയുടെ കൃത്യമായ ഭാരമോ വിപണി മൂല്യമോ പരിശോധനാ റിപ്പോർട്ടിൽ രേഖപ്പെടുത്തിയിട്ടില്ല. ക്ഷേത്രങ്ങളുടെ സുരക്ഷാ സംവിധാനങ്ങൾക്കുള്ളിൽ നടന്നിരിക്കുന്ന ഈ വലിയ വീഴ്ച ഭക്തർക്കിടയിൽ വലിയ ആശങ്കയാണ് ഉയർത്തുന്നത്.
Story Summary
Valuable gold ornaments, silver jewelry, and gold biscuits belonging to over 20 temples under the Neyyattinkara Devaswom have gone missing from the locker at the Parassala Mahadeva Temple. The discrepancy was unearthed during an annual audit by the Tiruvabharanam Commissioner, triggering an investigation into the massive security breach.
