തൃശ്ശൂർ: സോഷ്യൽ മീഡിയയിലൂടെ തനിക്കെതിരെ നടക്കുന്ന വ്യാജപ്രചാരണങ്ങൾക്കും വ്യക്തി അധിക്ഷേപങ്ങൾക്കുമെതിരെ ടി.എൻ. പ്രതാപൻ പോലീസിൽ പരാതി നൽകി. തൃശ്ശൂർ റൂറൽ എസ്.പിക്കാണ് അദ്ദേഹം ഔദ്യോഗികമായി പരാതി സമർപ്പിച്ചത്.(TN Prathapan Files Cyber Complaint Thrissur SP Fake News Leaving Party)
‘പാർട്ടി വിടാനൊരുങ്ങി ടി.എൻ. പ്രതാപൻ’ എന്ന തലക്കെട്ടോടെ തന്റെ ഫോട്ടോ സഹിതം സമൂഹമാധ്യമങ്ങളിൽ വ്യാപകമായി വ്യാജ വാർത്തകൾ പ്രചരിക്കുന്നുണ്ടെന്ന് അദ്ദേഹം പരാതിയിൽ ചൂണ്ടിക്കാട്ടി. ‘റെഡ് ആർമി’ എന്ന ഫെയ്സ്ബുക്ക് പേജിലാണ് ഈ വ്യാജ പോസ്റ്റ് പ്രത്യക്ഷപ്പെട്ടത്. ഈ പ്രൊഫൈലിൽ വന്ന പോസ്റ്റും ചിത്രങ്ങളുമാണ് പിന്നീട് വ്യാപകമായി ഷെയർ ചെയ്യപ്പെട്ടത്.
വ്യക്തിവൈരാഗ്യം തീർക്കുന്നതിനും രാഷ്ട്രീയമായി തന്നെ വേട്ടയാടുന്നതിനുമായി ചിലർ ബോധപൂർവ്വം ചമച്ച വാർത്തയാണിതെന്ന് പ്രതാപൻ പറഞ്ഞു. പൊതുസമൂഹത്തിൽ തന്നെ അപകീർത്തിപ്പെടുത്തുക, പ്രവർത്തകർക്കിടയിൽ തനിക്കെതിരെ അവമതിപ്പും സ്പർദ്ധയും ഉണ്ടാക്കുക എന്ന ലക്ഷ്യത്തോടെയാണ് ഈ കാർഡുകൾ തയ്യാറാക്കി പ്രചരിപ്പിച്ചിരിക്കുന്നത്. വ്യാജ പോസ്റ്ററിന്റെ സ്ക്രീൻഷോട്ടുകൾ സഹിതമാണ് അദ്ദേഹം റൂറൽ എസ്.പിക്ക് പരാതി നൽകിയിട്ടുള്ളത്.
Story Summary
T.N. Prathapan has filed a police complaint with the Thrissur Rural SP against a fake social media campaign claiming he is leaving the Congress party. Prathapan pointed out that the false news originated from a profile named ‘Abhilash Appu Abhilash’ on the ‘Red Army’ Facebook page.
