തൃശൂർ: മാള പുത്തൻചിറയിൽ യുവാവിനെയും യുവതിയെയും ഒരേ കയറിൽ തൂങ്ങിമരിച്ച നിലയിൽ കണ്ടെത്തി (Thrissur Suicide Case). പുത്തൻചിറ സ്വദേശി ശ്രീജിത്ത് (30), വെണ്ണൂർ സ്വദേശിനി മിൽന (24) എന്നിവരെയാണ് ശ്രീജിത്തിന്റെ വാടകവീട്ടിൽ മരിച്ച നിലയിൽ കണ്ടെത്തിയത്. പ്രണയബന്ധവും കുടുംബപ്രശ്നങ്ങളുമാണ് ആത്മഹത്യയ്ക്ക് പിന്നിലെ പ്രാഥമിക നിഗമനമെന്ന് പോലീസ് അറിയിച്ചു.
സംഭവത്തെക്കുറിച്ച് പോലീസ് പറയുന്നത് ഇങ്ങനെ…
വെണ്ണൂർ സ്വദേശിനിയായ മിൽനയെ കഴിഞ്ഞ ദിവസമാണ് വീട്ടിൽ നിന്ന് കാണാതായത്. മിൽനയുടെ വിവാഹം നിശ്ചയിച്ചിരുന്ന സാഹചര്യത്തിലായിരുന്നു തിരോധാനം. തുടർന്ന് ബന്ധുക്കൾ മാള പോലീസ് സ്റ്റേഷനിൽ പരാതി നൽകിയിരുന്നു. തുടർന്ന് അന്വേഷണം നടത്തിവരുന്നതിനിടെയാണ് ശനിയാഴ്ച ശ്രീജിത്തിന്റെ വീട്ടിൽ ഇരുവരെയും മരിച്ച നിലയിൽ കണ്ടെത്തിയത്.
മരിച്ച ശ്രീജിത്ത് നേരത്തെ രണ്ട് വിവാഹം കഴിച്ചിട്ടുള്ള വ്യക്തിയാണ്. ഇയാളുടെ രണ്ടാം ഭാര്യ ഏതാനും ദിവസങ്ങൾക്ക് മുൻപ് ആത്മഹത്യയ്ക്ക് ശ്രമിച്ചിരുന്നു. ഗുരുതരാവസ്ഥയിലായ ഇവർ നിലവിൽ സ്വകാര്യ ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലാണ്. ഈ സംഭവങ്ങൾക്ക് പിന്നാലെയാണ് ശ്രീജിത്തിനെ മിൽനയ്ക്കൊപ്പം മരിച്ച നിലയിൽ കണ്ടെത്തുന്നത്.
ഇൻക്വസ്റ്റ് നടപടികൾ പൂർത്തിയാക്കിയ ശേഷം മൃതദേഹങ്ങൾ പോസ്റ്റ്മോർട്ടത്തിനായി മാറ്റി. മാള പോലീസ് കേസ് രജിസ്റ്റർ ചെയ്ത് വിശദമായ അന്വേഷണം ആരംഭിച്ചിട്ടുണ്ട്.
Story Summary: A 30-year-old man, Sreejith, and a 24-year-old woman, Milna, were found dead in a rented house at Puthenchira, Thrissur. They were found hanging from the same rope. Milna had been reported missing recently after her marriage was fixed. Sreejith had been married twice before, and his second wife is currently hospitalized after a suicide attempt. Police suspect family issues and their relationship led to this extreme step.
