വിദ്യാർഥിയെ മർദിച്ച സംഭവം; സഹപാഠികൾക്കെതിരെ കേസെടുത്തു
Jun 11, 2024, 08:40 IST
സുൽത്താൻ ബത്തേരി: മൂലങ്കാവ് ഗവ. ഹയർ സെക്കൻഡറി സ്‌കൂളിൽ വിദ്യാർഥിയെ സഹപാഠികൾ മർദിച്ച സംഭവത്തിൽ സുൽത്താൻ ബത്തേരി പൊലീസ് കേസെടുത്തു. ആറ് വിദ്യാർഥികൾക്കെതിരെയാണ് അസഭ്യം പറയൽ, തടഞ്ഞുവെക്കൽ, മർദനം, ആയുധം ഉപയോഗിച്ചുള്ള പരിക്കേൽപിക്കൽ തുടങ്ങിയ വകുപ്പുകൾ പ്രകാരം കേസെടുത്തത്. മർദനമേറ്റ് സ്വകാര്യ ആശുപത്രിയിൽ ചികിത്സയിൽ കഴിയുന്ന ശബരീനാഥിന്റെ മൊഴി രേഖപ്പെടുത്തിയതിനു ശേഷമാണ് കേസെടുത്തത്.
സ്കൂളിലെ 10ാം ക്ലാസ് വിദ്യാർഥിയായ ശബരീനാഥനെ ഏതാനും വിദ്യാർഥികൾ വെള്ളിയാഴ്ച ഉച്ചയോടെയാണ് ക്ലാസിൽനിന്നിറക്കി കൊണ്ടുപോയി മർദിച്ചത്. നെഞ്ചിലും മുഖത്തുമാണ് പരിക്ക്. മർദനത്തിനിടെ കത്രികകൊണ്ട് കുത്തി. റാഗിങ്ങിന്റെ മറവിലാണ് ആക്രമണമെന്ന് ബന്ധുക്കൾ ആരോപിച്ചിരുന്നു. സംഭവത്തിൽ ഏതാനും വിദ്യാർഥികളെ സസ്പെൻഡ് ചെയ്തിട്ടുണ്ട്.
സ്കൂളിലെ 10ാം ക്ലാസ് വിദ്യാർഥിയായ ശബരീനാഥനെ ഏതാനും വിദ്യാർഥികൾ വെള്ളിയാഴ്ച ഉച്ചയോടെയാണ് ക്ലാസിൽനിന്നിറക്കി കൊണ്ടുപോയി മർദിച്ചത്. നെഞ്ചിലും മുഖത്തുമാണ് പരിക്ക്. മർദനത്തിനിടെ കത്രികകൊണ്ട് കുത്തി. റാഗിങ്ങിന്റെ മറവിലാണ് ആക്രമണമെന്ന് ബന്ധുക്കൾ ആരോപിച്ചിരുന്നു. സംഭവത്തിൽ ഏതാനും വിദ്യാർഥികളെ സസ്പെൻഡ് ചെയ്തിട്ടുണ്ട്.