തിരുവനന്തപുരം: പുതിയ യു.ഡി.എഫ് സർക്കാരിൽ ഡെപ്യൂട്ടി സ്പീക്കർ പദവിയിലേക്ക് തെരഞ്ഞെടുക്കപ്പെട്ടതിന് പിന്നാലെ പ്രതികരണവുമായി കോൺഗ്രസ് നേതാവ് ഷാനിമോൾ ഉസ്മാൻ. പാർട്ടി ഏൽപ്പിച്ച ഈ പുതിയ ഉത്തരവാദിത്തം വളരെ മികച്ച രീതിയിൽ തന്നെ നിർവഹിക്കുമെന്ന് അവർ മാധ്യമങ്ങളോട് പറഞ്ഞു.(Shanimol Usman On Appointed As New Kerala Assembly Deputy Speaker Reaction)
വലിയ പിന്തുണ നൽകിയ കേരളത്തിലെ പൊതുസമൂഹത്തോട് ഒരുപാട് നന്ദിയുണ്ടെന്നും തന്നെ ഒന്നിനും തളർത്താൻ ആകില്ലെന്നും ഷാനിമോൾ ഉസ്മാൻ വ്യക്തമാക്കി. തന്നെ വെട്ടിമാറ്റി എന്ന് കരുതുന്നില്ലെന്നും അവർ കൂട്ടിച്ചേർത്തു. ഇപ്പോൾ പാർട്ടി ഒരു സുപ്രധാന സ്ഥാനത്തേക്ക് നിയോഗിച്ചിട്ടുണ്ട്.
ഇനി എവിടെ എത്തിച്ചേരണമെന്നുള്ളതിൽ ഇനിയും സമയമുണ്ട്. ഒറ്റ രാത്രി കൊണ്ട് ഒന്നും തീരുന്നില്ല എന്നും അവർ പറഞ്ഞു. പാർട്ടി ഇപ്പോൾ നൽകിയ ഈ അംഗീകാരം തന്നെ വളരെ വലുതാണ്. തിരിച്ചടികളിൽ നിന്ന് തിരിച്ചു വരുന്നതാണ് തന്റെ രീതിയെന്നും ഷാനിമോൾ ഉസ്മാൻ കൂട്ടിച്ചേർത്തു.
Story Summary
Newly designated Deputy Speaker Shanimol Usman stated that she accepts the party’s responsibility with pride and will perform her duties effectively. Reflecting on her political journey, she emphasized that perseverance is key in politics and she is known for bouncing back from setbacks.
