കോഴിക്കോട്: കേന്ദ്ര സർക്കാരിന്റെ വിവാദമായ പിഎം ശ്രീ (SFI State Secretary PS Sanjeev Kozhikode Press Meet) പദ്ധതിയുമായി ബന്ധപ്പെട്ട് സംസ്ഥാന സർക്കാർ അടുത്ത ഒരു സ്റ്റെപ്പ് എടുത്തുവെക്കുന്നുണ്ടെങ്കിൽ കേരളത്തിൽ ശക്തമായ വിദ്യാർഥി പ്രസ്ഥാനമായി എസ്എഫ്ഐ (SFI) ഉണ്ടെന്ന ബോധം സർക്കാരിന് ഉണ്ടാകണമെന്ന് എസ്എഫ്ഐ സംസ്ഥാന സെക്രട്ടറി പി.എസ്. സഞ്ജീവ് മുന്നറിയിപ്പ് നൽകി. കോഴിക്കോട്ട് മാധ്യമങ്ങളോട് സംസാരിക്കുകയായിരുന്നു അദ്ദേഹം. പൂർണ്ണമായ ഉത്തരവാദിത്തത്തോടെ കൃത്യമായ രാഷ്ട്രീയം ഉറപ്പിച്ചു പറഞ്ഞാണ് എസ്എഫ്ഐ എക്കാലത്തും മുന്നോട്ട് പോയിട്ടുള്ളതെന്നും അദ്ദേഹം ഓർമ്മിപ്പിച്ചു.
സമരം ചെയ്യാതെ പെട്ടെന്ന് തന്നെ വലിയ സമരത്തിന് ഇറങ്ങിയതുകൊണ്ടാണ് തങ്ങൾക്ക് ചൊറി പിടിച്ചത് എന്നാണ് ഒരു പ്രമുഖ എംഎൽഎ കഴിഞ്ഞദിവസം പരിഹസിച്ചു പറഞ്ഞത്. ആ എംഎൽഎ മുൻപ് എന്തിനാണ് ജയിലിൽ കിടന്നതെന്ന് കേരളത്തിലെ ജനങ്ങൾക്ക് കൃത്യമായി അറിയാമെന്നും സഞ്ജീവ് രൂക്ഷമായ ഭാഷയിൽ മറുപടി നൽകി.
വിദ്യാർഥി പക്ഷത്ത് ഒരിഞ്ച് പിന്നോട്ടില്ല
കേരളത്തിലെ സാധാരണക്കാരായ വിദ്യാർഥികളെ ബാധിക്കുന്ന ഏത് ചെറിയ വിഷയത്തിലും എസ്എഫ്ഐ എക്കാലത്തും കൃത്യമായ അഭിപ്രായവും നിലപാടും പരസ്യമായി പറഞ്ഞിട്ടുണ്ട്. പൊതുവിദ്യാഭ്യാസ മേഖലയെ തകർക്കുന്ന തരത്തിലുള്ള ഇത്തരം പൊതുവിഷയങ്ങളിൽ ഒരിഞ്ച് പോലും പിന്നോട്ട് പോകാൻ സംഘടന ഉദ്ദേശിക്കുന്നില്ല. വിദ്യാർഥികളുടെ അവകാശങ്ങളെ ബാധിക്കുന്ന എല്ലാ വിഷയങ്ങളിലും വിട്ടുവീഴ്ചയില്ലാത്ത ശക്തമായ നിലപാടെടുത്ത് കൊണ്ട് തന്നെയാവും സംഘടന വരും ദിവസങ്ങളിലും മുന്നോട്ട് പോകുകയെന്നും സഞ്ജീവ് വാർത്താസമ്മേളനത്തിൽ വ്യക്തമാക്കി. സഞ്ജീവിന്റെ ഈ കടുത്ത പ്രതികരണം വരും ദിവസങ്ങളിൽ ഭരണപക്ഷ മുന്നണിക്കുള്ളിൽ പുതിയ ചർച്ചകൾക്ക് വഴിതുറക്കും.
Story Summary: SFI State Secretary P.S. Sanjeev has warned the government that the Student Federation of India (SFI) will strongly oppose any further steps taken toward implementing the PM SHRI scheme in Kerala. Speaking in Kozhikode, Sanjeev stated that SFI moves forward with responsible politics and will not budge an inch when it comes to student interests. He also lashed out at an MLA who criticized SFI’s protests, remarking that the public knows well why that particular MLA was jailed. Sanjeev reiterated that SFI has always voiced opinions on issues affecting Kerala’s student community.
