ശബരിമല സ്വർണ്ണക്കൊള്ളക്കേസിൽ മൂന്നാം എഫ്.ഐ.ആർ രജിസ്റ്റർ ചെയ്യുന്നതുമായി ബന്ധപ്പെട്ട് പ്രത്യേക അന്വേഷണസംഘം നിയമോപദേശം തേടി. 2025-ൽ ചട്ടങ്ങൾ ലംഘിച്ച് സ്വർണ്ണപ്പാളികൾ ചെന്നൈയിലേക്ക് കൊണ്ടുപോയ സംഭവത്തിൽ, പുതിയ കേസ് എടുക്കണോ അതോ നിലവിലുള്ള കേസുകൾക്കൊപ്പം തന്നെ അന്വേഷണം തുടരണോ എന്ന ആശയക്കുഴപ്പത്തിലാണ് അന്വേഷണ സംഘം. (Sabarimala Gold Theft Case)
നിലവിൽ ഈ വിഷയത്തിൽ രണ്ട് കേസുകളാണ് രജിസ്റ്റർ ചെയ്തിട്ടുള്ളത്. 2025-ലെ സ്വർണ്ണക്കൊള്ളക്കേസിൽ മുൻ ദേവസ്വം ബോർഡ് പ്രസിഡന്റ് പി.എസ്. പ്രശാന്ത് ഉൾപ്പെടെ ഏഴ് പേർ പ്രതികളാണ്. മുരാരി ബാബു, ഉണ്ണികൃഷ്ണൻ പോറ്റി, പങ്കജ് ഭണ്ഡാരി, അഡ്വ. എ. അജികുമാർ, തന്ത്രി കണ്ഠര് രാജീവര്, രജിലാൽ എന്നിവരാണ് കേസിലെ മറ്റ് പ്രതികൾ. ഇവരുടെ പങ്കാളിത്തം വ്യക്തമായി തെളിയിക്കപ്പെട്ടിട്ടുണ്ടെന്ന് എസ്.ഐ.ടി നേരത്തെ ഹൈക്കോടതിയെ അറിയിച്ചിരുന്നു.
2019-ലെ സ്വർണ്ണമോഷണം മറച്ചുവെക്കുന്നതിനായി 2023-ൽ സ്വർണ്ണം പൂശാനെന്ന പേരിൽ ദ്വാരപാലകരെ ചെന്നൈയിലേക്ക് കൊണ്ടുപോകാൻ ആസൂത്രണം ചെയ്തതെന്നാണ് പ്രധാന കണ്ടെത്തൽ. കരാറുകാരും ദേവസ്വം ബോർഡ് ഉദ്യോഗസ്ഥരും സ്പോൺസർമാരും ചേർന്ന് ഇതിനായി വലിയ ഗൂഢാലോചന നടത്തിയതായും അന്വേഷണത്തിൽ വ്യക്തമായിട്ടുണ്ട്. ഉദ്യോഗസ്ഥരടക്കം കേസിൽ ഉൾപ്പെട്ട മറ്റ് എട്ടുപേരെ കേന്ദ്രീകരിച്ചും അന്വേഷണം ഊർജിതമായി തുടരുകയാണ്.
Summary: The Special Investigation Team (SIT) investigating the Sabarimala gold theft case has sought legal advice on whether to register a third FIR or include the 2025 incident of illegally transporting gold plates to Chennai under the existing cases. The investigation currently involves prominent figures, including former Devaswom Board President P.S. Prashanth, as the SIT uncovers a conspiracy involving officials and contractors to cover up a 2019 theft.
